U Bulungana u Niga tere Iesu Kristo te kolotein e Jon 18:20 - U Bulunagana U Niga

²⁰ Be Iesu e poeiena i tanen, “Alia u roron rangaia i matar u katuun. Na lia u roron hihatutsia tara man luman lotu a man tetenei na tara a Luman Lotu Pan, a man makum ti roron gono hobotoia u Jiu. Alia uma ranga hamousi.

U Bulungana u Niga tere Iesu Kristo te kolotein e Jon 18:20 ပူးပေါင်းရင်းမြစ်များ

Matiu 24:26

“Bora e markato uana teka, te hatei raia limiou u katuun, ‘E Mesaia e kana tara makum a palaka,’ möa tu la uaiam nonei tara makum. Tsi tegi poeien, ‘Nonei e mousuna iahana luma,’ möa tu hamana raiam.

Matiu 26:55

Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.

Matiu 26:65

Ba tsunono pan turu pris e raharaha koruna be kiise iena u hasobö i tanen me poeiena, “Nonei e katoe lala u rangan hahakus ba nonei e poeiena, nonei e kamena a nitsunono tere Sunahan. Ara ema tatei ngö lele rimei ta katuun tega kout gono meien. Alimiou e hengo hakape mula u rangan hahakus i tanen.

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 8:32

Nonei e ranga halesala koru meraien a ka teka. Be Pita e lu hatalisena e Iesu me tanian ranga hapiou nanen.

U Bulungana u Niga tere Iesu Kristo te kolotein e Luk 21:37

Mamanu lan e Iesu e hihatutsia tara Luman Lotu Pan. Ba tara man bong nonei e na sohoia turu pokus ti ngöei u Pokus tara Ruein Olip.

U Bulungana u Niga tere Iesu Kristo te kolotein e Luk 4:15

Ba nonei e hihatutsna tara man luman lotu turu Jiu, ba u katuun hoboto e soloseie ren.

U Bulungana u Niga tere Iesu Kristo te kolotein e Jon 18:21

Aha te rangrangata sile milö alia? Alö go rangater u katuun ti hengoe iou lia. Nori e atei siler a man raranga tu hatei raien lia.”

U Bulungana u Niga tere Iesu Kristo te kolotein e Jon 6:59

E Iesu e katoeia u ranga teka te hihatuts ien iahana luman lotu tara taun i Kapenium.

U Bulungana u Niga tere Iesu Kristo te kolotein e Jon 7:14

A kannou e solon la hagusgusuna noa be Iesu e la uana tara Luman Lotu Pan ba nonei ena tanian hatuts rena u katuun.

U Bulungana u Niga tere Iesu Kristo te kolotein e Jon 7:26

Tara! Nonei e ka noa hasina na nonei e rangana turu katuun hoboto, kaba pal kapan ema hapiou narien! A pal kapan toum e atei siler nonei hamana e Mesaia, a katuun te hopö kapiin e Sunahan?

U Bulungana u Niga tere Iesu Kristo te kolotein e Jon 7:28

Be Iesu e ranga hapan koru mena te hihatuts uen tara Luman Lotu Pan be poeiena, “Alimiou e poe hamana korue miou alimiou e atei sile moulia na ime tu la malia? Alia uma la peisa memei u ngil i tar, kaba esi te haleie moulia te manana, kaba limiou ma atei sile mien. Alia e atei sil megien. Taraha, alia u lama i tanen na nonei e tula namoulia ba lia e laguma.”

U Bulungana u Niga tere Iesu Kristo te kolotein e Jon 7:4

taraha, a katuun te ngilena u katuun hoboto egi atei sileien ema tatei kui momous nei. Te antunan kato hamana namia lö a man mirakol, ba lö te katoe men i matar u katuun hoboto!”

U Bulungana u Niga tere Iesu Kristo te kolotein e Jon 8:2

Tara bongbong koru ba nonei e la pouts uana tara Luman Lotu Pan. Ba u katuun e gono hoboto ua rima i tanen ba nonei e gumuna me tanian hihatutsna i taren.

U Bulungana u Niga tere Iesu Kristo te kolotein e Jon 8:26

Alia e kamegu a man raranga a man parpara i tamilimiou, na lia e tatei haröto has ragi limiou a mamanaka a omi te katoe milimiou. Kaba a mamanaka te hatei negu lia turu katunura i puta nonei a manka tu hengoe malia tara katuun te halei moulia, na nonei e ranga hamanana.”

Aposol 26:26

U mana koru a King e atei silena a manka teka, na i matamölö alia ema matsingolo nagi tego ranga uu lia. Alia e atei hamana sil koruegu e möa ta ka tega mous bani a matamölö, taraha a manka teka ima katoei i mous.