U Bulungana u Niga tere Iesu Kristo te kolotein e Jon 17:19 - U Bulunagana U Niga

¹⁹ Na lia e hala menagi a peisar i tamölö tego taguhu merai lia u katuun teka, ba nori te hala has menari a peisaren i tamölö.

U Bulungana u Niga tere Iesu Kristo te kolotein e Jon 17:19 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 10:36

Alimiou e antunan ranga hasimiou bate peimiou, a katuun te kato hagöagoni e Tamar me tula mena meien i puta e ranga homi nena e Sunahan te pei mena neien, ‘Alia a Pien tere Sunahan.’ Ge hana ba limiou te mar ranga uamiou teka?

U Bulungana u Niga tere Iesu Kristo te kolotein e Jon 15:13

E möa tu ngil tega antunaia turu ngil te mate sil menanei a töa katuun u katuun i tanen, nonei e haröto nena nonei e ngil koru ranen. E möa noahas tu ngil tega antunaia turu mar ngil teka.

U Bulungana u Niga tere Iesu Kristo te kolotein e Jon 15:3

Alimiou i kato hagogoso hakapa raia ti hengo haniga mena milimiou u raranga ti hatei rai lia limiou.

U Bulungana u Niga tere Iesu Kristo te kolotein e Jon 17:17

Na u raranga i tamölö e mana nitöana. Alö go ranga hahengo raien ba nori te hatalis ba ner a man markato a man omi.

U Bulungana u Niga tere Iesu Kristo te kolotein e Jon 17:20

“Alia ema singo peisa beragi u katuun teka i tamölö, alia e singo be has regu u katuun te hengoe riou romana u ranga i taren bate hamana uar i tar.

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 7:14

Alia u saala raiou limiou tere Taitus ba limiou e kato hamanemiou u raranga i tar. A mamanaka ti ranga hamana naia lam i tamilimiou e butu hamana. Na ti saala menai lam alimiou tere Taitus e butu hamana has.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 10:29

Kaba a nihahuna te pan bala koruna e hahalosena a katuun te omiena a Pien Tson tere Sunahan. Taraha, nonei e sigalena u rahatsingina turu ranga te kitsi e Sunahan. Nonei u rahatsing te kato mam meien a katuun a matskö tere Sunahan. Na nonei e ranga homi has nena u Namnamei tere Sunahan te taatagi nen.

Hibru 2:11

E Iesu e kato ranei ra u katuun u matskö tere Sunahan, na ra e ka mera a töa puku a Tamarara. Nonei tena matsingolo benei e Iesu te ngö mera neien ra u toulanen na u hahinanen.

Hibru 9:13

Tara markato turu Jiu, u rahatsingina meme na bulmakau a tson na u kumahoana tara tunan bulmakau e tsibil naria turu katuun tegi gamon kato hagogoso meraien ba nori te tatei lotur.

Hibru 9:18

Te marka has uaien i manasa, taraha u rangan kits ti kato mami e tagala las mei u rahatsingina ka ti kato hamateien.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.