U Bulungana u Niga tere Iesu Kristo te kolotein e Jon 16:33 - U Bulunagana U Niga

³³ Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

U Bulungana u Niga tere Iesu Kristo te kolotein e Jon 16:33 ပူးပေါင်းရင်းမြစ်များ

Matiu 9:2

Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.”

U Bulungana u Niga tere Iesu Kristo te kolotein e Luk 19:38

Ba nori e poeier: “Kalaleiam a king te la menama a solo tara Tsunono! A masalohana ega kaia i Kolö, na solona e Sunahan ega pan koru!”

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

U Bulungana u Niga tere Iesu Kristo te kolotein e Jon 14:1

“Alimiou goma tokumi. Hamana uaiam tere Sunahan na i tar.

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

U Bulungana u Niga tere Iesu Kristo te kolotein e Jon 16:11

Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

Aposol 27:22

Kaba e noahasina. Alia e hatei ragou limiou go tagalaiam, e möa ta töa i tamilimiou ego tia iou romana. A tolaala puku lasi te tatei tia nou.

Aposol 27:25

Na matsi katuun, alimiou go tagalaiam, taraha alia e hamanegu e Sunahan, a ka e mar butu uanou romana temar ranga ualala a angelo.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

2 Korin 1:3

Aragi solosei e Sunahan e Tamana a Tsunono i tarara e Iesu Kristo. Nonei te hatamana nena a nitaatagi na nonei te Tsunono nena a mamana a markato te hasokolei menari a katuun.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

2 Korin 4:7

Kaba lam e kamem a manka a man niga teka iahana a tabeli. A ka teka e haröto nena a saha nitagala pan te ka memu lam ema la nameia i tamulam kaba e la nama tere Sunahan.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

2 Korin 7:4

Alia e saala koru ragou limiou bate sasaala has meragou limiou. A mamana nomi e butuna i tamulam, kaba lia e ongolo koru noa hasigu. A nisasaala i tar e möa ta nönöa nen.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Pilipai 4:7

Na masalohana te hala nena e Sunahan e pan balana. Na u katuun ema atei haniga silerien. Kaba a masalohana teka e ka noua i torimilimiou na turu hakats i tamilimiou, te hamana uami limiou tere Iesu Kristo.

Kolosi 1:20

Ne Sunahan e ngilin sakahis sila naia a mamanaka hoboto i tanen tere Kristo. Nonei e ngilin katoena a ka teka tara mamanaka ni puta na i kolö. E Kristo e mateia tara kuruse na u rahatsing i tanen te nolo poutsi a manka hoboto tere Sunahan.

1 Tesalonaika 3:4

U mana koru, a pöata tu ka gono meraia lam alimiou i manasa, alam u hatei mam railimiou tego lu merai ra a kamits. Ba nonei e mar butu hamana has uana ti mar atei uaiam limiou.

1 Tesalonaika 3:7

Pöata tu hengo nai lam u ranga teka, ba torimulam e nigana me sasaala poutsuna. Alam u tori tiama koru mei a kamits te lue mulam turu katuun te hahamanar, kaba lam e sasaala pouts talam te hengo mena milam te hamana noa uami limiou tara Tsunono.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

2 Timoti 3:12

Na lia e hatei goulö, u katuun e kato homi puku rariou u katuun te pala uaier tere Iesu Kristo.

Hibru 11:25

E Mosis ema ngile ii a nisasaalana tara markato a omi ba nonei e ka gono meranen a tsitabubun pöata puku. E möa. Nonei e ngilin ka gono mer u katuun tere Sunahan, bate lu gono meraneien u nikamits.

Hibru 7:2

Be Abraham e lu kakatena a manka hoboto te lue men tara hiatatung tara maloto a makum me hala nena a töa makum tere Melkisedek. A solo, e Melkisedek e poeiena, A king tara markato a niga na matskö. Na e pei hasena, A king tara masalohana, taraha a solo e Salem e poeiena, masalohana.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.

1 Jon 2:13

Na lia e koloto uagu i tamilimiou, a pal kapan, taraha alimiou e atei silemiou e Iesu te kaia i mam te habuteia e Sunahan u kolö na u puta. Na lia e koloto uagu i tamilimiou, a pal hitots, taraha alimiou u la salsaluhe hakapeiam e Satan.

1 Jon 4:4

A man hahikapien i tar, alimiou a galapien tere Sunahan na limiou e tagala bala ramiou u propet u gamogamo teka. Taraha, u Namnamei te kana i tamilimiou e pan bala nena u liliahanei te karia turu katunura i puta tema katuun uari tere Sunahan.

1 Jon 5:4

Taraha, a galapien hoboto tere Sunahan e antunan tagala salsaluhe baner a markatona i puta. Na nitagala te tagala salsaluhe ba nena a markatona i puta nonei u nihamana i tarara.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.

Revelesin 7:14

Ba lia e poeiegu i tanen, “A tsi tsunono, alö te ateim.” Ba nonei e poeiena i tar, “Nori u katuun ti lama tara pöata tara kamits pan. Nori i galus hahiake mei u hasobö i taren u rahatsing tara Tunan Sipsip.