U Bulungana u Niga tere Iesu Kristo te kolotein e Jon 14:26 - U Bulunagana U Niga

²⁶ E Tamar e hala sila nenama romana a katunun hihitaguhu, u Namnamei u Göagono, tara solor batemi hatuts ranei limiou a manka hoboto, batemi hahatei pouts ranei limiou a mamanaka hoboto tu hatei rai lia limiou.

U Bulungana u Niga tere Iesu Kristo te kolotein e Jon 14:26 ပူးပေါင်းရင်းမြစ်များ

Matiu 1:18

E Iesu Kristo i mar posa menai teka. E Maria i hopö kap bei tego tölo menaien e Josep. Kaba nori ima soho gono noai, be Maria e pikana turu Namnamei u Göagono.

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

U Bulungana u Niga tere Iesu Kristo te kolotein e Mak 12:36

U Namnamei u Göagono te hale ii e Davit u hakhakats ba nonei e poeiena, ‘A Tsunono e mar ranga uu teka tara Tsunono i tar, Gum ia tara pal matou i tar, e antunana tara pöata te hale goi lia lö u katuun te paköe rioulö ba lö tena pita puta ramouen.’

U Bulungana u Niga tere Iesu Kristo te kolotein e Mak 13:11

“Na pöata te pile kap rarien limiou bate las mera rilimiou turu kout, alimiou goma hakats hapara mam nami a manka tena ranga namou limiou. Ranga naiam a saha ka te hatei raroui limiou tara pöata, taraha, ema limiou nei te ranga miou, kaba u Namnamei u Göagono.

U Bulungana u Niga tere Iesu Kristo te kolotein e Luk 1:15

Taraha? Nonei ena katuun pan noa i matana a Tsunono. Ba nonei tema tatei ue noi u uain na u ramun u hiski. Na nonei e saputu menou romana u Namnamei u Göagono i mam has tegi posa menaien!

U Bulungana u Niga tere Iesu Kristo te kolotein e Luk 1:35

Ba angelo e poeiena i tanen, “U Namnamei u Göagono e la uanama romana i tamölö ba nitagala tere Sunahan temi sapute noulö. Ba pien a göagono te pose moulö te ngöe roui a Pien Tson tere Sunahan.

U Bulungana u Niga tere Iesu Kristo te kolotein e Luk 1:41

Ba pöata te hengoeia e Elisabet u raranga tere Maria, ba pien i torinen e sosuna, be Elisabet e saputu mena u Namnamei u Göagono tere Sunahan.

U Bulungana u Niga tere Iesu Kristo te kolotein e Luk 1:67

Be tamana pien, e Sakaria, e saputu mena u Namnamei u Göagono, ba nonei e katoena u rangan propet me poeiena: “Aragi solosei e Sunahan a Tsunono na i Israel! Taraha? Nonei emi taguhu renara u katuun i tanen, bate sakahis pouts ranoura.

U Bulungana u Niga tere Iesu Kristo te kolotein e Luk 11:13

Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”

U Bulungana u Niga tere Iesu Kristo te kolotein e Luk 2:25

Bara, a töa katuun e kaia i Jerusalem a solonen e Simion. Nonei a katuun a niga na e roron hatsunoni e Sunahan, na nonei e hahalosi tego taguhu merai e Sunahan u katunura i Israel. Na u Namnamei u Göagono e roron kaia i tanen.

U Bulungana u Niga tere Iesu Kristo te kolotein e Luk 24:49

Hengoiam. Alia e hala nagou a ka te ranga hamanein e Tamar i manasa tegi hala rai limiou. Kaba limiou go hahaloso bumia teka i Jerusalem e antunana te butu nama romana a nitagala i Kolö bate kopo kap ranou limiou.”

U Bulungana u Niga tere Iesu Kristo te kolotein e Jon 1:33

Alia uma atei silei esi koru nonei e Mesaia. Kaba e Sunahan, te hala namou lia tegomi baptais merai lia u katuun u ramun, nonei e poei i tar, ‘Alö ena tare mou u Namnamei tere Sunahan e koul nama romana batemi tö na tara töa katuun. Nonei a katuun teka tena baptais nanou u Namnamei u Göagono.’”

U Bulungana u Niga tere Iesu Kristo te kolotein e Jon 12:16

U katunun tsitsilo ima atei silei a ka teka nonei tara pöata. Kaba i murina te takei pouts ia e Iesu, ba nori te töan hakats pouts ner a manka teka i koloto beien turu Buku u Göagono, na man ranga i tanen e butu hamana.

U Bulungana u Niga tere Iesu Kristo te kolotein e Jon 14:16

Ba lia tena rangate gou e Tamar ba nonei te hala ranei limiou a tana Hihitaguhu, u Namnamei tara nimana tegomi ka gono nitöa meraiou limiou.

U Bulungana u Niga tere Iesu Kristo te kolotein e Jon 14:25

“Alia e hatei ragi limiou a manka teka te ka gono noa mera gilia limiou.

U Bulungana u Niga tere Iesu Kristo te kolotein e Jon 15:26

“Kaba lia ena hala na guma a katunun hihitaguhu i tamilimiou, ba nonei temi hatei nanou lia, nonei u Namnamei na tara nimana te hala na nama e Tamar.

U Bulungana u Niga tere Iesu Kristo te kolotein e Jon 16:7

Kaba lia e hatei hamana ragou limiou, a tou la pouts i tar, a niniganiga i tamilimiou. Kaba tema la pouts goi lia, a katunun hihitaguhu ema antunan la namei romana i tamilimiou. Kaba te la pouts goua lia, ba lia te hala nagu men romana i tamilimiou.

U Bulungana u Niga tere Iesu Kristo te kolotein e Jon 2:22

Na i murimuri, te hatakei poutsia e Sunahan e Iesu tara tou mate i tanen, ba u katunun tsitsilo i tanen e hakats pouts ner te kato menaien u raranga teka. Ba nori e töan hamaner u Buku u Göagono nu raranga tere Iesu.

U Bulungana u Niga tere Iesu Kristo te kolotein e Jon 20:22

Nonei e mar ranga hakapa uu teka ba nonei e pihu uana i tamulam me poeiena, “Lueiam u Namnamei u Göagono.

U Bulungana u Niga tere Iesu Kristo te kolotein e Jon 6:45

U propet i koloto has naien turu Buku u Göagono i manasa me poeier, ‘E Sunahan e hatuts hoboto ranoen romana.’ Na u katuun hoboto te hengo hanigeier u hihatuts tere Tamar e la uarima romana i tar.

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 1:4

Tara töa pöata e Iesu e nou gono mer u aposol me poeiena i taren, “Möa tu laba naiam i Jerusalem, hahaloseiam u Namnamei u Göagono te ranga nema e Tamar tego hala raien limiou, alia u hatei has raien limiou.

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 11:16

Ba lia e hakats lel negu u raranga tara Tsunono te pei, ‘E Jon e baptais ra ii u katuun u ramun tuun, kaba limiou ena habaptais moua turu Namnamei u Göagono.’

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 13:4

Ba u Namnamei u Göagono e hala ranen ba nori e gala uaier tara taun i Selusia, tina osaien tara tolaala me lauar tara tolo pan a solonen i Saiprus.

Aposol 15:28

U Namnamei u Göagono na lam u mar kits menai u raranga teka: alam ema tatei hakeiemi a markato a tiama koru i tamilimiou. A man markato lasi teka tegoma katoe milimiou: alimiou go agono naiam a manka te haats ba naria turu kesa, batema tatei nou hasemi u rahatsing na haröete te kepa hamate naria i totongolonen. Na limiou goma tatei tsikolomi. Te hatalis ba nemia limiou a man markato teka, ba limiou te ka haniga mou. Nonei talasi.” U pas e mar ranga uana teka.

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

Aposol 28:25

Ba nori ema hiahanhaniga ri, ba pöata ti katsin taruraien be Pol e hala lel raneien ien u tana u raranga. Ba nonei e poeiena, “U Namnamei u Göagono tere Sunahan e ranga hamana i manasa tara pöata te harangeien e Aisaia a propet tere Sunahan me ranga gono mena u tubumilimiou.

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

Aposol 7:51

E Stiven e ranga lel noahas ia tara pal kapan turu Kout me poeiena, “Alimiou u katuun u hihipus! Alimiou e tori here noa hasemi u tematan! Alimiou e talingatu ba koru namiou u raranga tere Sunahan! Alimiou e hipus nitöa namiou u Namnamei u Göagono ti markato has uu tuburara!

Aposol 7:55

U Namnamei u Göagono e saputi e Stiven, ba nonei tara tötoso uana i Kolö me tarena u ualesala pan tere Sunahan, na e Iesu e tuol ia tara pal matou tere Sunahan.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

1 Korin 12:3

Na lia e hatei ragi limiou, a katuun te ranga sila na turu Namnamei u Göagono tere Sunahan ema antunan ranga nanei, “Iesu egi korupaköni.” Na katuun tema kamenei u Namnamei u Göagono tere Sunahan ema antunan pei hase nei, “Iesu a Tsunono.”

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

1 Tesalonaika 4:8

Na katuun te tori tsuga nena u raranga teka ema tori tsuga nanei u raranga tara katuun tuun. E möa. Nonei e tori tsuga nena u raranga tere Sunahan, e Sunahan te hala ranei limiou u Namnamei u Göagono i tanen.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

Taitus 3:5

ba nonei e lu pouts ranou ra. Nonei ema lu pouts meraira tegi kato menaira ta markato ta matskö. E möa! Kaba tara nitaatagi i tanen ba nonei e lu pouts ranoura. Nonei e galus ban a man markato a man omi i tarara ba u Namnamei u Göagono e hala ranera a nitöatöa a tsimus.

Hibru 10:15

Na u Namnamei u Göagono e ranga hamana has uu teka: “Nonei u rarangan hia hanhaniga u tsimus teka te kitse gou lia turu katunura i Israel tara pöata te la nama romana: alia e hakei goua a lo i tar i toriren, na turu hakhakats i taren ba nori te hakats sil nitöa narouen bate kukutie ren.” Nonei temar ranga uu a Tsunono.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

Hibru 3:7

U Namnamei u Göagono e poeiena: “Te hengoe mia limiou u raranga tere Sunahan i romana, ba limiou tema tatei mar hipus len uami ti mar hipus uu tubumilimiou bate tori tsuga nariou lia batena torohane ria lia tara makum a palaka.

Hibru 9:8

U Namnamei u Göagono e hatalesala ra neira a maroro tegi la uu ra tara makum a göagono ema butu halesala noa ii. E markato uana teka, a makum tutuun e haharuei nena a markato na tara Lo na i manasa te antunana i romana. Na Makum a Göagono Koru e haharuei nena a makum te kana e Sunahan ema kalata noa nei tara pöata te ka noa ria u katuun tara luman lotu ti katoe ii u labalaba tuun.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

2 Pita 1:21

Taraha, u raranga turu propet ema butu mei u hakhakats peisa turu katuun. E möa. U Namnamei u Göagono te kato haranger u katuun bate habulungana ner u raranga tere Sunahan.

1 Jon 2:20

Kaba limiou i lu hakapaneiam u Namnamei u Göagono tere Iesu Kristo, na limiou hoboto e kame miou a niatei.

1 Jon 2:27

Kaba u Namnamei u Göagono ti lu mameiam limiou tere Kristo, nonei e ka gono mera noulimiou. Na limiou goma tokumi te möa uana ta tson hihatuts i tamilimiou. Taraha, u Namnamei tere Sunahan e hatuts ranei limiou a mamanaka. Na manka te hihatuts nanen e manana. E möa tego gamouaien. Na limiou ego ka nitöa mia tere Kristo temar ranga uu Namnamei tere Sunahan.

1 Jon 5:7

Nori a topisa i habulungana hobotein u raranga i tanen,

U pas te kolotein e Jut 1:20

Kaba limiou, a matsi hahikapien i tar, e möa koru tego markato uaiam limiou te kato uaier u katuun teka. Alimiou go kato hatagala nitöa naiam u nihamana i tamilimiou bate hamana hanige miou u hihatuts tere Sunahan te kato hamatskö ranoura. Alimiou go singo nitöa uaiam tere Sunahan, bate singo memiou a nitagala turu Namnamei u Göagono.

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”