U Bulungana u Niga tere Iesu Kristo te kolotein e Jon 13:34 - U Bulunagana U Niga

³⁴ Alia e hala ragi limiou u raranga u tsimus, alimiou go hiangilngil iam. Ti mar ngil has merai lia limiou.

U Bulungana u Niga tere Iesu Kristo te kolotein e Jon 13:34 ပူးပေါင်းရင်းမြစ်များ

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

U Bulungana u Niga tere Iesu Kristo te kolotein e Jon 15:17

Na lia e hatei ragi limiou u raranga teka ba limiou te hia ngilngil miou.”

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

U pas te koloto menai e Pol turu kristenira i Rom 13:10

Te ngil menami limiou a tana katuun, alimiou ema kato homie mien. Na markato turu ngilngil nonei a mouna a ka te kato silena a Lo tere Sunahan.

U pas te koloto menai e Pol turu kristenira i Rom 13:8

Hakapeiam a man haroho hoboto i tamilimiou, kaba ma hakapemi a markato te hiangilngil uaier. Te ngile mia limiou a tana katuun, alimiou e katoe miou a ka te kato silena a Lo tere Sunahan.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Jemis 2:8

Te kukutie moa limiou a lo pan tere Sunahan ti kolotein, alimiou e kato hanigamou. Taraha, a lo pan tere Sunahan e poeiena, alö go mar ngil koru mei a tana katuun temar ngil koru has mena milö a peisamölö.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Jon 3:11

Nonei u raranga teka tu hengo mam naiam limiou: aragi ngili a tabina katuun.

1 Jon 3:23

Na u raranga tere Sunahan teka: aragi hamanaia tere Iesu Kristo a Pien Tson i tanen ba ra te hiangilngilira, nonei teka u raranga tere Sunahan.

1 Jon 4:21

Na u raranga ti lueiara i tanen e kato uana teka: esi a katuun te ngilena e Sunahan ega ngil hasi a man hahatoulana i tanen.

2 Jon 1:5

Kaba lia ema koloto menagi tu raranga tu tsimus i tamölö. E möa. Alia e koloto negu u raranga ti lu mamira te poeiena, ara a hun katuun tere Iesu egi hiangilngil.