U Bulungana u Niga tere Iesu Kristo te kolotein e Jon 13:31 - U Bulunagana U Niga

³¹ Pöata te lakasa hakapaia e Judas be Iesu e poeiena, “Alia tu butun Katunuma e solo sei tale riou. Ba lia te söata sei hasegou a solona e Sunahan.

U Bulungana u Niga tere Iesu Kristo te kolotein e Jon 13:31 ပူးပေါင်းရင်းမြစ်များ

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Luk 12:50

Alia e ka megou a kamits pan tego lui lia, na torir e tiama koru silena tega kapa uaien romana.

U Bulungana u Niga tere Iesu Kristo te kolotein e Jon 11:4

Kaba pöata te hengoeia e Iesu u ranga teka, ba nonei e poeiena, “A siki teka ema kato hamate nitöa nanoi e Lasarus. E Lasarus e siki silena tego solo sei menaien a solona e Sunahan ba Pien tere Sunahan te tatei solo sei sila has naroa i tanen.”

U Bulungana u Niga tere Iesu Kristo te kolotein e Jon 12:23

Be Iesu e poeiena i taren, “A pöata e butu hakapa te kato hapan poutse noa e Sunahan alia, Alia tu butun Katunuma.

U Bulungana u Niga tere Iesu Kristo te kolotein e Jon 12:28

O Tamar, alö go hapani a peisa mölö.” Ba u töa u ranga e ling nama i Kolö me poeiena, “Alia u kato hapan hakapi a peisar na lia e kato lel hase gouen.”

U Bulungana u Niga tere Iesu Kristo te kolotein e Jon 14:13

Alia e katoe gou a ka te rangata sila namoa limiou tara solor, te kato uanen teka ba solona e Tamar te solosei sila naroua i tar.

U Bulungana u Niga tere Iesu Kristo te kolotein e Jon 16:14

Nonei e söata seie nou romana lia, taraha nonei e luenou a manka i tar bate haröto ranoien limiou.

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 3:13

A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

Epesis 1:12

Alam u katuun tu hamana tutuun uu tere Kristo, alam go haniga uu tere Sunahan te pan saluhena bate soloseie men.

Epesis 2:7

Nonei e kato mei a ka teka tega haröto menaien a nihihitaatagi na niniganiga pan i tanen tara mamana pöata i murimuri. Nonei e ngilin haröto ranei u katuun hoboto temar niga mera neien ra, na ka te kato berai ra e Iesu Kristo.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.