U Bulungana u Niga tere Iesu Kristo te kolotein e Jon 10:28 - U Bulunagana U Niga

²⁸ Alia e hala ragouen a nitöatöa te ka nitöana ba nori tema tatei tia roi romana. E möa ta töa ta katuun tega antunan gul ba rai lia u katuun i tar.

U Bulungana u Niga tere Iesu Kristo te kolotein e Jon 10:28 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Luk 23:46

Be Iesu e ku hapan koruna, “O Tamagulia! Alia e hake gia u namnamei i tar i limamölö!” Nonei e mar ranga las uu teka bate matena.

U Bulungana u Niga tere Iesu Kristo te kolotein e Jon 10:29

E Tamar e hala rai lia u katuun teka na nonei e pan bala nena a mamanaka hoboton töa ne möa ta katuun ga antunan lu baraien i limana e Tamar.

U Bulungana u Niga tere Iesu Kristo te kolotein e Jon 11:25

Be Iesu e poeiena i tanen, “Alia nonei a nitakei pouts turu katuun na nitöatöa. Esi te hamana uana i tar, noahasina te mate uaren romana, kaba nori ena töatöa pouts has riou romana.

U Bulungana u Niga tere Iesu Kristo te kolotein e Jon 14:19

Ema lehana noi ba u katunura i puta tema tara lele roi lia, kaba limiou e tare moulia. Taraha, alia ena töatöa pouts gou romana ba limiou te töatöa has mou.

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U Bulungana u Niga tere Iesu Kristo te kolotein e Jon 18:9

Nonei e mar ranga uu teka tego kato hamana menaien u raranga te hagou ranga naien me poeiena, “O Tamagulia, alia uma hapolasei ta töa turu katuun tu hale mei lö alia.”

U Bulungana u Niga tere Iesu Kristo te kolotein e Jon 3:36

A katuun te hamanena nonei a Pien tere Sunahan e ka mena a nitöatöa te ka nitöana. Na katuun te hahamanana na tema hengoe neien, nonei ema tatei lue nei a nitöatöa hamana, na raharaha tere Sunahan e ka nitöana i tanen.

U Bulungana u Niga tere Iesu Kristo te kolotein e Jon 4:14

Kaba a katuun te ua noua turu ramun te hala nagou lia ema antunan maka lel noi. Taraha, u ramun te hale gouien lia e here noi a kioun ramun i peisanen, te bututu sei nitöa menou a nitöatöa te ka nitöana.”

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Jon 6:37

U katuun hoboto te hala mera namei e Tamar i tar e la uarima romana i tar. Alia ema antunan hakopise goi esi te la uanama romana i tar. E möa.

U Bulungana u Niga tere Iesu Kristo te kolotein e Jon 6:47

“U mana koru alia e hatei ragou limiou, a katuun te hamanana e ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 6:68

Be Saimon Pita e ranga palise nen me poeiena, “O Tsunono, alam e la uamou teresi? Alö peisa te ka mem u rangana tara nitöatöa te ka nitöana.

Aposol 7:59

Tara pöata ti titi hateien e Stiven, ba nonei e mar singo uana teka, “O Iesu a Tsunono, lui u namnamei i tar!”

U pas te koloto menai e Pol turu kristenira i Rom 5:17

A tou mate e pan sila ia turu katuun, te kato homi uu a töa puku a katuun e Adam. Kaba a toukui tara tana katuun e Iesu Kristo te pan bala koruna. U katuun hoboto te luer a nihitaguhu pan tere Sunahan bate hanigeier tega hamatskö meraien e Sunahan, nori ena tsunono riou, taraha, e Iesu Kristo e hala ranoien a nitagalana tara nitöatöa.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 5:21

I manasa a markato a omi e haka puta raia u katuun tara tou mate. Kaba a nihitaguhu tere Sunahan e antunan kato hamatskö rena u katuun bate hala raneien a nitöatöa te ka nitöana ti lu sila naiara tere Iesu Kristo a Tsunono i tarara.

U pas te koloto menai e Pol turu kristenira i Rom 5:9

Ga ha te pei milimiou? E Iesu e kato berai ra a ka teka tara pöata ti omi noaia ra. Na nonei e kato hamatskö has raiara i matana e Sunahan tara tou mate i tanen. Na te kato beraien ra a manka teka, ba ra te tatei atei silera nonei e hatongo ranoua ra tara raharaha tere Sunahan.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

U pas te koloto menai e Pol turu kristenira i Rom 8:1

Ara u katuun te kagono mera e Iesu Kristo ema antunan lu narei tu nihahuna.

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

1 Timoti 1:16

Nonei teka ti mar lu sila menai lia, alia a töa katuun a omi hataia nitöa, kaba tara nitaatagi tere Iesu Kristo ba nonei e haröto nena te antunan hahaloso uanen, me kato here nanei lia u haharuei tego haröto menaien lia turu katuun te ngilin hamana uar i tanen, bate lue riou a nitöatöa te ka nitöana.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

1 Jon 5:11

Na nonei a ka teka te hatei raneira e Sunahan: e Sunahan e hala raira a nitöatöa te ka nitöana, na nitöatöa teka e kana tara Pien Tson i tanen.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

U pas te kolotein e Jut 1:21

Alimiou go mar kaka haniga uaiam te haniga uana e Sunahan, ba nonei te haröto noahas ranoui limiou u ngilngil i tanen. Ba limiou te hamana sil hase miou a pöata te taatagi koru ranouara e Iesu Kristo a Tsunono i tarara bate hala ranoira a nitöatöa te ka nitöana.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.