Hibru 9:25 - U Bulunagana U Niga

²⁵ A pris a tsunono pan turu Jiu e tasuna tara Makum a Göagono Koru turu mamana u hiningal bate la mena u rahatsing turu enimol. Kaba e Kristo ema tasu haparai bate roron hala nena a peisanen. E möa.

Hibru 9:25 ပူးပေါင်းရင်းမြစ်များ

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:19

Na matsi hahatoulana, ara e tatei tasu ria iahana Makum a Göagono Koru. Taraha, u rahatsing tere Iesu e hatagala ra noura bara tema tatei matouterei a Makum a Göagono.

Hibru 9:12

E Kristo e tasuia iahana makum hamatskö te kana e Sunahan a töa puku a pöata, bate antunana tara mamana pöata hoboto. Nonei ema tasu mei u rahatsingina meme tsi a tunan bulmakau. E möa. Nonei e tasu mei u rahatsing peisa i tanen bate sakahis pouts nitöa mera nei ra tere Sunahan.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Hibru 9:2

Nori i hatakei a luman lotu labalaba te ka mei a huol a makum. A makum tutuun i pal biou i ngöei a Makum a Göagono te kaia a makumun gum turu lam na u tebol na beret ti hala menai tere Sunahan.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

Hibru 9:7

Na tsunono pan turu pris puku lasi a töa te tasuia iahana a Makum a Göagono Koru, nonei e ron tasu a töa puku a pöata tara man tötöa man hiningal. Nonei e roron lui u rahatsing bate töan tasu menen ba tena hala sile neien a peisanen na u katuun has ti kato homi kaba ima atei sile ii ti kato homi uaien.