Hibru 9:14 - U Bulunagana U Niga

¹⁴ Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Hibru 9:14 ပူးပေါင်းရင်းမြစ်များ

Matiu 12:28

Na te Namnamei tala uanen tere Sunahan te tsuga mera gilia u liliahanei u omi, ga Nipepeito tere Sunahan e la tala uanou i tamilimiou.

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 7:11

Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.

U Bulungana u Niga tere Iesu Kristo te kolotein e Luk 12:24

Rötoiam turu apena te ngö rari u kokou. Nori ema leberi a kannou na ema hagala hase rien, na nori ema ka has meri ta luman haputu tara kannou. Kaba e Sunahan noahas te hanou ranen! Na limiou e niga bala ramiou u apena!

U Bulungana u Niga tere Iesu Kristo te kolotein e Luk 12:28

E Sunahan e katoeiena u palaua u niga, te pusukuna i romana na te haats hase roua turu tula i mahö. Na nonei ema hala has ranoui limiou tu hasobö? Alimiou e ka memiou u nihamana u tetenei.

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

U pas te koloto menai e Pol turu kristenira i Rom 1:20

A katuun ema antunan tare nei e Sunahan, kaba tara pöata te habuteia e Sunahan a mamanaka te noana i romana, u katuun i atei sil a markato tere Sunahan na nitagala i tanen te ka nitöana. A manka te habuti e Sunahan e haröto halesala nena a ka teka, ba u katuun tema antunan poeieri nori ema atei sileri e Sunahan. E möa.

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

U pas te koloto menai e Pol turu kristenira i Rom 11:12

Na pöata ti kato homi ia u Jiu, be Sunahan e kato haniga rena a palair u katunura i puta. Te kato tala uanen teka, be Sunahan te hala nanou a nisasaala pan tara pala tema Jiu ri tara pöata te la pouts ruma romana u Jiu hoboto tere Sunahan.

U pas te koloto menai e Pol turu kristenira i Rom 11:24

Na limiou u katuun tema Jiu mi i ngats ba raia turu ruei u hie bate hasopo raria turu ruei u niga tema ruei uai i tamilimiou. Na u Jiu e hereri u ruei u niga. Na ema tutu koru nei tega haka pouts menai e Sunahan u Jiu tara makum a niga tika mam ien.

U pas te koloto menai e Pol turu kristenira i Rom 6:13

Alimiou egoma tatei rongarongemi a markato a omi bate kana i peisa milimiou. E möa. Alimiou go hala naiam a peisa milimiou tere Sunahan bate katoe miou a man markato te nigana i tanen. Taraha, e here nei alimiou u takei pouts mia tara tou mate bate ka memiou a nitöatöa a tsimus.

U pas te koloto menai e Pol turu kristenira i Rom 6:22

Kaba i romana alimiou e hapolasa ba namiou a man markato a man omi, bate kui hatagala muma tere Sunahan. Na markato teka e habutena a markato a göagono tere Sunahan i tamilimiou, ba nonei te hala ranoui limiou a nitöatöa te ka nitöana.

1 Korin 15:45

I mar koloto menai teka turu Buku u Göagono, “A Adam tutuun, e butu mema u namnamei u töatöa.” Na Adam te butu hamururima, e Kristo, e butu mema u namnamei te hala nena a nitöatöa.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

2 Korin 6:16

U saha u hanhaniga te kamer a luma tere Sunahan na u kesa? Taraha, ara e here rei a Luma tere Sunahan te töatöana. Te mar ranga peisa noa has uu e Sunahan, “Alia ena ka goua i toriren bate hula la goua i gusuren. Alia e Sunahan i taren na nori u katuun i tar.”

Galesia 2:19

A Lo turu Jiu e haröte nei lia, alia e heregi a katuun e mate hakapa, taraha alia ema antunan kukute haniga nitöa nagi a Lo. Na tara maroro teka alia e töatöa gono megu e Sunahan. Na lia u kute gono hakapa meia e Iesu tara kuruse me mate gono megen.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:12

Kaba e Kristo e halan u töa koru u haats tara man markato a man omi, ba nonei ena gumna tara pal matou tere Sunahan.

Hibru 10:2

Sanena u katuun te hatsunoner e Sunahan ti hagalus ba hakapein a man markato a man omi i taren, nori sane ma tatei hakats lel nari a man markato a man omi i taren, na u haats e tatei kapa hasina.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.

Hibru 11:21

Na turu nihamana noahas be Jekop e kalala rena man tötöa man pien tere Josep tara pöata te susukun mateien. Nonei e ranga hamanein a manka man niga tegi lui a galapien tson tere Josep. Nonei e tötöroköia i bakuna u tukana i tanen me hatsunono uana tere Sunahan.

Hibru 13:12

Na e Iesu e mate hasia ielesala tara taun tega hamatskö meraien ra tere Sunahan turu rahatsing peisa i tanen.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

Hibru 7:16

Ara e atei silera nonei ima katoe ii a pris iahana a Lo te poeiena nonei ega hatubunaia tere Livai. E möa. E Sunahan te katoeien a pris tara nitagala tara nitöatöa i tanen tema antunan kapa nei.

Hibru 7:27

Nonei ema here ranei a palair u tsunono pan turu pris te roron haatsir turu mamana u lan bate haats mam sileier a man markato a man omi i taren bate töan haats sileier a man markato a man omi turu katuun. Kaba e Iesu e möa. Tara pöata te hala naien a peisanen tara tou mate, nonei e katoeien u töa puku lasi u haats te hakapi u haats hoboto.

Hibru 9:12

E Kristo e tasuia iahana makum hamatskö te kana e Sunahan a töa puku a pöata, bate antunana tara mamana pöata hoboto. Nonei ema tasu mei u rahatsingina meme tsi a tunan bulmakau. E möa. Nonei e tasu mei u rahatsing peisa i tanen bate sakahis pouts nitöa mera nei ra tere Sunahan.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

Hibru 9:7

Na tsunono pan turu pris puku lasi a töa te tasuia iahana a Makum a Göagono Koru, nonei e ron tasu a töa puku a pöata tara man tötöa man hiningal. Nonei e roron lui u rahatsing bate töan tasu menen ba tena hala sile neien a peisanen na u katuun has ti kato homi kaba ima atei sile ii ti kato homi uaien.

Hibru 9:9

Tara makum tutuun teka u pris i roron hala menai a man kaan haats ti halhala pukuni tere Sunahan, kaba nori ima antunan kato hagogose ii a torir u katuun ti la uu turu lotu.

1 Pita 1:19

E möa. Nonei e sakahis rai limiou u rahatsing tere Kristo, te la sei ba nena a mamana mar hihol hoboto. E Kristo e here ii a tunan sipsip a niga koru te haats ner tema ka menei taka ta omi i tanen.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.