Hibru 9:13 - U Bulunagana U Niga

¹³ Tara markato turu Jiu, u rahatsingina meme na bulmakau a tson na u kumahoana tara tunan bulmakau e tsibil naria turu katuun tegi gamon kato hagogoso meraien ba nori te tatei lotur.

Hibru 9:13 ပူးပေါင်းရင်းမြစ်များ

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Hibru 10:29

Kaba a nihahuna te pan bala koruna e hahalosena a katuun te omiena a Pien Tson tere Sunahan. Taraha, nonei e sigalena u rahatsingina turu ranga te kitsi e Sunahan. Nonei u rahatsing te kato mam meien a katuun a matskö tere Sunahan. Na nonei e ranga homi has nena u Namnamei tere Sunahan te taatagi nen.

Hibru 10:4

Taraha, u rahatsing tara bulmakau a tson na meme ema antuna koru nei tega luba menaien a man markato a man omi.

Hibru 9:19

E Mosis e hatei mam rai u katuun a man raranga hoboto te kana tara Lo. Ba nonei te töan lueiena u rahatsing tara tunan bulmakau na meme, me sohala gono meneien u ramun, me hakeie nen turu hulu u rörö tara sipsip na tara kalan ruei ti ngöei u hisop, me tsibil nanen turu bukuna tara Lo na turu katuun hoboto.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.