Hibru 6:4 - U Bulunagana U Niga

⁴ E möa koru tegi antunan palis lel menai u katuun u hakhakats i taren ti hapolasa ba menaien e Sunahan. Nori i ka mamia turu ualesala tere Sunahan. Na nori i atei ia i peisaren, a ka a nigana i Kolö, na nori i ka hasia turu Namnamei u Göagono.

Hibru 6:4 ပူးပေါင်းရင်းမြစ်များ

Matiu 12:45

Ba liliahanei a omi e lana mena lu lelena a tana tohit a liliahanei, ti omi koru naien. Ba nori emi karia iahana katuun teka. Ba nonei e omi bala koru lel tala nena temar omi tutuun uaien. Te markato has uariou u katuun u omi ra i romana.”

Matiu 5:13

E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.

U Bulungana u Niga tere Iesu Kristo te kolotein e Jon 15:6

A katuun tema ka gono menei lia e ba nariou. Nonei e here nei a hikalanin ruei te langona. A man hikalan teka e gono raier bate lapo raria turu tula bate haats raier.

U Bulungana u Niga tere Iesu Kristo te kolotein e Jon 3:27

Be Jon e ranga palis ranen me poeiena, “A katuun e lu puku lase nou a ka te hale neien e Sunahan i Kolö.

U Bulungana u Niga tere Iesu Kristo te kolotein e Jon 4:10

Be Iesu e ranga palise nen me poeiena, “Alö ema atei silemi a ka a niga te ngilin hala nanei lö e Sunahan na esi te rangate neilö tatsi ramun. Alö sanena te atei sile moulia, balö te tatei rangata nem tatsi ramun i tar, balia te hale goi lö u ramununa tara nitöatöa!”

U Bulungana u Niga tere Iesu Kristo te kolotein e Jon 6:32

Be Iesu e poeiena i taren, “U mana koru alia e hatei ragou limiou, e Mosis ema hala nai a kannou te lama i Kolö turu tubumilimiou. E möa. E Tamar te hala na men. Na nonei e ngilin hala has ranei limiou a kannou hamanana i Kolö.

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 11:17

Te hala naia e Sunahan u Namnamei u Göagono i tanen turu katuun teka ti hamana uaien tere Iesu Kristo a Tsunono, temar hala has meraien ra, galia a saha mar katuun te hatu kap nagou a maroro tere Sunahan?”

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

Aposol 8:20

Kaba e Pita e pei i tanen, “Na taia gono mei a moni i tamölö, taraha alö e poeiem alö e antunan holemi a kaan halhala puku tere Sunahan a moni!

U pas te koloto menai e Pol turu kristenira i Rom 1:11

Taraha, alia e ngil koruegu tego tara merai limiou bate hala ragi limiou a ka a niga turu Namnamei u Göagono, bate hatagalena u nihamana i tamilimiou.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Galesia 3:2

Na lia e ngilin rangata ragi limiou a töa ka: u Namnamei tere Sunahan e la uama i tamilimiou tu kukute mena milimiou a Lo turu Jiu, tsi tu hengo mena milimiou u Bulungana u Niga bate hamane men?

Galesia 3:5

Tara pöata te hala nanoua e Sunahan u Namnamei i tanen i tamilimiou, bate katoena a man mirakol i gusumilimiou, nonei ema kato menoi a ka teka te kukute mena milimiou a Lo turu Jiu. Kaba nonei e kato menoien te hengo menami limiou u Bulungana u Niga bate hamane men.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 2:8

E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Epesis 3:7

E Sunahan e taatagi naiou lia me hale ne lia a nitagala pan i tanen, nonei e katoe ii lia a katunun kui i tanen tego habulungana menai lia u Bulungana u Niga i tanen.

Epesis 4:7

E Kristo e hala puku nema a man töa man nitagala tara man töa man katuun i tarara e popona tara man nitagala man kapan te ngilin hala nen turu katuun i tanen.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

2 Timoti 2:25

Bate tuatami merena u katuun te tori tsuga ner u raranga i tanen bate hamatskö ranen. E Sunahan te tatei haniga nanou tegi palis uen bate atei siler u raranga u mana.

2 Timoti 4:14

E Aleksenda, a katuun te kukuieiena a aien, e kato homi koruia i tar. A Tsunono e hahune noen e antunana tara man markato a man omi te kateien.

Hibru 10:32

Alimiou go hakats pouts naiam a pöata i manasa. I murina tu butu tutuun mia limiou turu ualesala tere Sunahan, alimiou u lueiam a kamits na niomi a parpara, kaba limiou uma hapolasa mi. E möa.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

1 Jon 5:16

Te tare mialö a töa katuun tara pala te hamana ria tere Iesu e kato homina ba limiou te singo silemen tere Sunahan, be Sunahan te hale noien a nitöatöa. Kaba te kato homi koru nen bate laba nena a nitöatöa tere Sunahan, alia ema ranga nagi alimiou ego singo sileiam a katuun teka tere Sunahan.