Hibru 2:17 - U Bulunagana U Niga

¹⁷ Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 2:17 ပူးပေါင်းရင်းမြစ်များ

U pas te koloto menai e Pol turu kristenira i Rom 15:17

Alia e sasaala koru megu a toukui i tar, taraha alia e kato begien e Sunahan tara nitagala tere Iesu Kristo.

U pas te koloto menai e Pol turu kristenira i Rom 5:10

Ara e hereri u katuun ti paköi e Sunahan, kaba pöata te mateia a Pien Tson i tanen, ba nonei e kato poutsena a masalohana i tarara gono mei e Sunahan. Na nitöatöa tere Iesu te taguhu ranoura, na te ka haniga sila has riara.

Epesis 2:16

E Kristo e mate sileia tara kuruse tego luba menaien u hiapakpakö te kaia i tarara i manasa, bara te pala uara tere Sunahan bate ka here rei a töa a hun katuun.

Kolosi 1:21

I manasa alimiou u lehana ba naiam e Sunahan, taraha limiou u kato homi iam na u hakats homi iam na i manasa alimiou has u pakö tere Sunahan.

Hibru 10:21

Na ra e ka tala mera a pris a tsunono pan te tara kap nena a luman lotu hamana tere Sunahan.

Hibru 2:11

E Iesu e kato ranei ra u katuun u matskö tere Sunahan, na ra e ka mera a töa puku a Tamarara. Nonei tena matsingolo benei e Iesu te ngö mera neien ra u toulanen na u hahinanen.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Hibru 2:16

Ara e atei silera nonei ema la sile mei tegomi taguhu merai u angelo. E möa. Nonei e la silema tegomi taguhu merai a pala tere Abraham.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

Hibru 3:2

E Iesu e kukute hanigei e Sunahan te hopö kap naien tara toukui teka, te markato haniga has menai e Mosis a toukui i tanen i gusuna u katuun tere Sunahan.

Hibru 3:5

E Mosis, a katunun kui tere Sunahan, e katoe a toukui a niga i gusuna u katuun hoboto tere Sunahan, bate hatei nena a manka tega rangein e Sunahan i murimuri.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

Hibru 4:15

Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.

Hibru 5:1

U Jiu e markato uaier teka: nori e hopö kap ner a tsunono pan turu pris i taren bate hale rien a toukui tego kui be menaien e Sunahan bate taguhu ranen. A tsunono pan turu pris e hala mena nei a man kaan halhala puku na mamana mar kaan haats tere Sunahan tego luba menaien a man markato a man omi turu katuun.

Hibru 5:10

E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 5:2

Nonei a pris teka ema tagala kap nanei a man markato a man omi, taraha nonei a katuun tuun, ba nonei te tuatami na turu katuun ti moa ta niatei na tema kukutieri a maroro tere Sunahan.

Hibru 5:5

Na e kato has uana iesana tere Kristo. Nonei ema hala sei ii a peisanen tega tsunono pan uaien. E möa. E Sunahan noahas te katoe ii e Kristo a tsunono pan turu pris. Nonei e Sunahan te ranga mei e Kristo me poeiena, “Alö a Pien Tson i tar. I romana alö e hatamana mia i tar.”

Hibru 6:20

Na e Iesu e tasu hakapa has ba raiou ra iahana Luman Lotu Pan i Kolö. Nonei e mam raiou ra tara makum te ka hamatsköna e Sunahan. Na nonei a tsunono pan turu pris te markato has uu e Melkisedek a pris. E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Hibru 7:28

A Lo tere Mosis e hopö kap rena u katuun tuun tegi tsunono pan uaien turu pris, kaba nori ema tagala nitöa sileri a markato a omi. Kaba u raranga u mana koru te lama i murina a pöata tara Lo, te hopö kapiin a Pien tson tere Sunahan te matskö nitöana tara toukuin pris teka te ka nitöa nou tara mamana pöata tema antunan kapa nei.

Hibru 8:1

A ka koru a kapan te ranga nemulam e markato uana teka: e Kristo nonei a pris a tsunono pan i tarara. Nonei e gumna tara pal matou tere Tamanen i Kolö.

Hibru 8:3

A mamana pris pan hoboto e kamer a toukui tegi hala menaien a man kaan halhala puku na u haats tere Sunahan. Na a pris a tsunono pan i tarara ega ka has mei ta ka tega hala naien.

Hibru 9:11

Kaba e Kristo e butu hakapa, na nonei a pris a tsunono pan tara mamanaka a nigana i romana. Nonei e tasu hakapaia tara luman lotu panina i Kolö. U katuun tima kuieien na ema luman lotu uanei tara han i puta.