Hibru 13:17 - U Bulunagana U Niga

¹⁷ Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 13:17 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 16:2

Ba nonei a katuun pan e ngöena a tson pepeitokap i tanen me poeiena, ‘Alia e hengo negu a saha ka te katoe mölö? Alö gona koloti tu raranga te hatei noi lia ti mar pepeitokap menai lö a manka i tar. Taraha? Alö ema tson pepeito kap lel uamou ii tar.’

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

U pas te koloto menai e Pol turu kristenira i Rom 14:12

Ba ra hoboto a man tötöa te hahatei roi e Sunahan a mouna a man markato ti katoeia ra i puta.

1 Korin 16:16

Alia e ranga hatagala meragou limiou go kui gono meraiam u mar katuun teka na palai hasir u katuun te kui gono mera ren.

Epesis 5:21

Alimiou go haröto naiam te hapan mena milimiou e Kristo ba limiou te haka putemiou a peisa milimiou.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 2:29

Alimiou go sasaala memen bate soloseie men tara solona a Tsunono. Na limiou go soloseiam a mar katuun teka.

Pilipai 3:18

Alia u solon hatei railimiou a ka teka tara mamana pöata, na lia e sulunmata koru megu te ranga lel mena gien lia: u katuun u parpara koru tema hanigeri u hihatutsina te mate uu e Kristo tara kuruse.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

1 Timoti 5:17

U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

Hibru 13:24

Hala menami u hanhaniga i tamulam tara pal kapan hoboto i tamilimiou na turu katuun hoboto tere Sunahan. A matsi hatoulana hasiri Itali e hala has rari limiou u hanhaniga i taren.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

Jemis 4:7

Ba limiou te haka putemiou a peisa milimiou tere Sunahan. Alimiou go tuol kakap neiam e Satan ba nonei te bus ba ranou limiou.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”