Hibru 13:14 - U Bulunagana U Niga

¹⁴ Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

Hibru 13:14 ပူးပေါင်းရင်းမြစ်များ

1 Korin 7:29

A ma tsi hahatoulana, u raranga i tar e mar mouna uana teka: a pöata i tarara i puta e makmakumuna. Na e möa ta ka tego tatei hatu kap ba rai limiou u ngilngil tere Sunahan. A katuun a hitöl goma hakatsin töapala nai a hitöl, kaba ega hakats hasiin a toukui tara Tsunono tego mar hakats has uu a katuun a tabuna hitöl.

2 Korin 4:17

Na matsi tabubun nomi te kana i tamulam e kato taatago ranei lam a nitöatöa a nigan töa te ka nitöana romana, a nitöatöa te pan bala nanou a mamanaka.

Epesis 2:19

Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 12:22

Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

Hibru 12:27

U raranga teka e haröto nena e Sunahan e gasena romana a manka te katoeien bate luba ranen ba manka tema antunan tagas nei te kana romana.

Hibru 2:5

Alam e ranga nem a hanina i puta tara pöata i murimuri, e Sunahan ema haka mena neien turu angelo. E möa.

Hibru 4:9

Na ra e ateira u katuun tere Sunahan e kanoa has meriou a makumun husa, bate here nei a pöatan husa tere Sunahan turu hatohitina u lan.

Hibru 9:11

Kaba e Kristo e butu hakapa, na nonei a pris a tsunono pan tara mamanaka a nigana i romana. Nonei e tasu hakapaia tara luman lotu panina i Kolö. U katuun tima kuieien na ema luman lotu uanei tara han i puta.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.