Hibru 12:25 - U Bulunagana U Niga

²⁵ Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Hibru 12:25 ပူးပေါင်းရင်းမြစ်များ

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 8:4

Be Iesu e poeiena i tanen, “Alö ema antunan hatei korue moi ta töa ta katuun. Kaba lö go la uala tara pris balö tena hatare mien te niga uana a peisamölö. Ba lö te hale moien a kaan haats te ranga uu e Mosis i manasa. Ba u katuun te tatei atei sile riou a toba i tamölö e kapa nitöa.”

Aposol 7:35

Be Stiven e ranga lel noa hasina me poeiena, “Nonei e Mosis ti raman u katunura Israel me poeier, ‘E möa ta katuun tega hale ii lö a nikapan na markato te ona menari markato i tamulam!’ Nonei lasi a katuun te hala here nai e Sunahan a tsunono na katuun tega luba raien a nomi. E Sunahan e hatagala sila naien tara angelo te butuia i tanen tara tsi ruei te kulupu.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

2 Timoti 4:4

Ba nori te habirits ba ner tegi hengo menaien u raranga u mana, bate habirits siler tegi hengo menaien u ranga pinopino.

Hibru 1:1

I manasa e Sunahan e rangaia turu tuburara tara mamana mar maroro tara pöata a parpara, me hala sila nenama u raranga i tanen turu propet.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 12:19

U katuun i hengo a ka te ling herei a tuhil na u raranga te katoi a katuun banori e matout korur mema ngilin hengo lel nari u ranga teka.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Hibru 3:17

Na eresi u katuun ti raharahi e Sunahan turu tohats u maloto u hiningal? Nonei e raharaher u katuun ti kato homi bate mater, bate laba rarien tara makum a palaka.

Hibru 8:5

Kaba a toukui i taren e haharuei tuun nena a luman lotu hamana i Kolö. Taraha, pöata te katsin hatakeia e Mosis a luman lotu labalaba, be Sunahan e ranga menen, “Alö go tara kap hanigein tego kui hapopo naia lö a mamanaka tara markato tu haröte ii lia lö turu pokus i Sinai.”

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 22:9

Ba nonei e poeiena i tar, “Alö goma markato uai teka! Alia has a katunun kui tere Iesu, alia na lö na man hahatoulana i tamölö u propet, na pala hoboto te hengoeier u raranga turu buku teka. Ara hoboto u katunun kui tere Iesu. Alö go hatsunoni e Sunahan!”