Hibru 12:22 - U Bulunagana U Niga

²² Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

Hibru 12:22 ပူးပေါင်းရင်းမြစ်များ

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 5:35

Na limiou goma hamana uami tara han i puta, taraha u puta e here nei u tötö te haholena e Sunahan a mounen. Na limiou goma hamana has uami i Jerusalem, taraha nonei a taun tara King a kapan.

U pas te koloto menai e Pol turu kristenira i Rom 11:26

Be Sunahan te töan lu pouts ranou a tei Israel hoboto. Ti mar koloto has menaien turu Buku u Göagono: “A katuun te taguhu ranou u katuun bate lu pouts ranen ena la nama romana i Saion. Nonei e luba nanou a man markato a man omi tara pala tere Jekop.”

U pas te koloto menai e Pol turu kristenira i Rom 9:26

Tara han ti hatei mam raien, ‘Alimiou ema katuun uami i tar,’ e Sunahan te töatöa nitöana ena ngö ranouien a galapien i tanen.”

Galesia 4:26

Kaba e Sara e haharuei nena u taina u rangan kits, nonei a Jerusalem a tsimus i Kolö te haharuei nena a Nipepeito hamana tere Sunahan. Na pien tere Sara e haharuei ranou ra a galapien hamana tere Sunahan tema ka lel ria i kopina a Lo.

Epesis 2:19

Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

2 Timoti 4:18

Na a Tsunono e luba nanoi lia a mamana niomi bate lu mena nei lia tara Nipepeito i tanen i Kolö. Aragi solosei nitöa naien tara mamana pöata! U mana.

Hibru 10:31

A ka a omi koru e butu noua tara katuun tena hahune nou e Sunahan te töatöa nitöana.

Hibru 11:10

Taraha, e Abraham e hahalosi a han te gum hatagala koru te kui e Sunahan.

Hibru 11:16

Kaba e möa. A han ti ngil bala korueien te niga bala, nonei a han i Kolö. Na e Sunahan ema matsingolo mei tegi ngö menaien a Sunahan i taren, taraha nonei e kato beraien a han.

Hibru 13:14

Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 14:1

Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Revelesin 21:10

Alia u kaia turu Namnamei tere Sunahan, ba nonei a angelo e söata mena nei lia turu töa u pokus pan koru. Ba nonei e haröte nei lia a han i Jerusalem, a Taun a Göagono, bate koul nama tere Sunahan i Kolö.

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 22:19

Na te luba nena romana ta katuun tu raranga turu buku teka, be Sunahan te luba has nena romana a tsi makum i tanen turu rueina tara nitöatöa na tara Taun a Göagono, te hatei nena u buku teka.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 7:2

Na lia u tarei a tana angelo e la seima tara pala te butu nama a pitala, na nonei e ka mei a kaan titi tara nitsunono tere Sunahan te töatöana. Ba nonei e ku hapan uana tara tohats a angelo ti halara ii a nitagala tegi kato homi menaien u tsiktsiki na u tasi.