Hibru 12:14 - U Bulunagana U Niga

¹⁴ Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

Hibru 12:14 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 9:50

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

U Bulungana u Niga tere Iesu Kristo te kolotein e Luk 1:75

Nonei e ngilena aragi matsköia i matanen turu mamana u lan tara nitöatöa i tarara.”

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 6:22

Kaba i romana alimiou e hapolasa ba namiou a man markato a man omi, bate kui hatagala muma tere Sunahan. Na markato teka e habutena a markato a göagono tere Sunahan i tamilimiou, ba nonei te hala ranoui limiou a nitöatöa te ka nitöana.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 13:12

Taraha, i romana ara e tara hakukuhil tuun ria turu galas, kaba i murimuri ara e tara halesala korura romana. Ara e atei sil tunera ats tabubu, kaba ra ena atei haniga moto rou romana temar atei haniga sil mera rira.

2 Korin 6:17

E kato uana teka ba Tsunono te pei hasena, “Alimiou go laba ramen bate ka halhal ba ramen. Alimiou go rama koru naiam a ka a korkoriana, balia te töan lu ragou limiou.”

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Epesis 5:5

Alimiou go atei sil hanigeiam a ka teka, a mar katuun teka ema tatei lu korue nei romana ta töa ta makum tara Nipepeito tere Kristo na tere Sunahan: a katuun a tsiktsikolo na katuun te hirata homina na katuun te mamangil nena a mamanaka. A katuun te mamangil nena a mamanaka e omi here nei a katuun te hatsunonena a got gamogamo.

Pilipai 3:12

Alia ema peigi alia u kato hakapi a manka teka bate niga nitöagu. E möa. Alia e torohana noahasegu tego here menai lia a mar katuun te hopö kap sil mei lia e Iesu Kristo.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:10

U tamarara i puta i hahuna merai ra a tsitabubun pöata temar niga uaien turu hakhakats i taren. Kaba e Sunahan e hahuna sil ranei ra ega taguhu raiou ra bara temar niga has uara, te markato has uanen.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.

1 Pita 3:13

E möa ta katuun tega kato homi raiou limiou, tego kato hatagala sil mena milimiou a markato a niga.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.