Hibru 11:37 - U Bulunagana U Niga

³⁷ A palai i ti hamate tuun rai a hatu, na palai i so kots tunir, na palai i ngats hamate rai u lahoton hiatatung. Na palai i hapous tuun rai a pikpiköna a sipsip na meme. Nori i möa koru ta ka, na u katuun i kato hohomi koru raien.

Hibru 11:37 ပူးပေါင်းရင်းမြစ်များ

Matiu 21:35

Ba u katunun taratarakap tara kui e lu rer u katunun kui i tanen, me lahuser a töa, me atung hamateier a tai, ba nori e titieri a tai a hatu.

Matiu 3:4

E Jon e roron hasogi u hasobö ti katoei a huluna a kemol, bate pouseiena a lete. Na nonei e roron noui a köno na möröana.

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Luk 13:34

“A tei Jerusalem, a tei Jerusalem! Alimiou e roron atung hamate ramiou u propet na e titi hatu ramiou u katunun raranga te hala mera mei e Sunahan i tamilimiou. A pöata a para tu ngilin gono mera mei lia limiou i tar bate hatongo kap ragou limiou, temar gono mera nei a keriou u tuna i kopina pakapakanen. Kaba limiou u rama iam!

Aposol 14:19

Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

Hibru 11:25

E Mosis ema ngile ii a nisasaalana tara markato a omi ba nonei e ka gono meranen a tsitabubun pöata puku. E möa. Nonei e ngilin ka gono mer u katuun tere Sunahan, bate lu gono meraneien u nikamits.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

Revelesin 11:3

Na lia e hale goi a huol a tson hahatei i tar a nitagala te hahatei menaroien u raranga tere Sunahan, e antuna noa turu 1,260 u lan. Ba nori te hasoge riou u hasobön mo.”