Hibru 11:26 - U Bulunagana U Niga

²⁶ Nonei e mar hakats uu teka, e niga bala nena tegi hamana uu tara katuun tena la nama romana nonei e Mesaia, e noahasina ti ranga homi uu katuun i tanen. Kaba markato teka e niga balein a manka man niga hobotona i Itsip. Taraha, nonei e hahalosi u hamatana u niga tega haleien e Sunahan.

Hibru 11:26 ပူးပေါင်းရင်းမြစ်များ

Matiu 10:41

Na katuun te rarariena u raranga tere Sunahan, bate hanigeiena a toukui i tanen, nonei ena lue nou u hamatana te lu hase nou a katuun te rarariena u raranga tere Sunahan. Na katuun te tarena a katuun te matsköna i matana e Sunahan bate hanigeiena nonei a katuun, nonei ena lu hasenou u hamatana te lu hasenou a katuun a matskö.

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

Matiu 6:1

Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.

U Bulungana u Niga tere Iesu Kristo te kolotein e Luk 14:14

Ba lö te sasaalam romana. Nori ema antunan hamatana poutse roui lö romana. Kaba e Sunahan e hamatane nou lö romana tara pöata te takei pouts ria u katuun u niga tara tou mate.”

U Bulungana u Niga tere Iesu Kristo te kolotein e Luk 14:33

Na e markato has uana iesana i tamilimiou a man tötöa. Alö go tula ban a mamanaka te ka memölö. Te möa nen, alö ema antunan katunun tsitsilo uamoi i tar.”

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Pilipai 3:7

I manasa alia u ron ranga bate poeiegu a manka teka te roron taguheiou lia. Kaba i romana alia e poeiegu a manka teka a manka pinopino, taraha alia e hamana tala gia tere Kristo te niga bala nena a manka teka.

Hibru 10:33

Palaina pöata u katuun i ranga hohomi raiou limiou bate kato homi raria limiou i matar u katuun, na palaina pöata nori i markato has uu teka tara man hahikapien i tamilimiou.

Hibru 10:35

Alimiou goma hapolase mi u nihamana u tagala i tamilimiou, be Sunahan te hala ranei romana limiou u hamatana u niga.

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

Hibru 2:2

A Lo tere Mosis te hala sila nama e Sunahan turu angelo e manana, na u katuun ti hipus naien batema kukutie rien i lu hasi u nihahuna te antunaia tara markato a omi ti katoeien.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

1 Pita 4:14

Alimiou go sasaalaiam tegi ranga homi merai limiou te kukute mena milimiou e Kristo, taraha a ka teka e poeiena u Namnamei u tagala tere Sunahan e kana i tamilimiou.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.