Hibru 10:33 - U Bulunagana U Niga

³³ Palaina pöata u katuun i ranga hohomi raiou limiou bate kato homi raria limiou i matar u katuun, na palaina pöata nori i markato has uu teka tara man hahikapien i tamilimiou.

Hibru 10:33 ပူးပေါင်းရင်းမြစ်များ

1 Korin 4:9

Kaba e Sunahan e haka raia lam u aposol i murimuri koru, bate heremi u katuun ti hopö kap merai tegi mate uaien. Alam e heremi a kaan hiharöto te haröto naria turu katuun na turu angelo has.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 4:14

Kaba limiou e kato haniga koru memiou te taguhu noahas mena milimiou alia tara pöata teka te ka megia lia a nitiama.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

Hibru 11:26

Nonei e mar hakats uu teka, e niga bala nena tegi hamana uu tara katuun tena la nama romana nonei e Mesaia, e noahasina ti ranga homi uu katuun i tanen. Kaba markato teka e niga balein a manka man niga hobotona i Itsip. Taraha, nonei e hahalosi u hamatana u niga tega haleien e Sunahan.

Hibru 11:36

Ba palair u katuun i golgol silir me lahus raier, ba palai e kits rari a tsien me haka raria tara karabus.

Hibru 12:4

E manana, alimiou e hiatatung gono memiou a markato a omi, kaba alimiou uma hiatatung hatagala koru noami bate antunana tego mate uaiam limiou.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.