Hibru 10:25 - U Bulunagana U Niga

²⁵ Ara gima hanöan hagum ii, te markato uaier a palair u katuun. E möa. Aragi kato hatagala kap nitöari a man hahatoulana, taraha u Lan Pan tara Tsunono e sukusuku hakapama.

Hibru 10:25 ပူးပေါင်းရင်းမြစ်များ

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Matiu 18:20

Na tegi gonoia a huol tsi a topisa a katuun tara solor, alia e ka gia i gusuren.”

U Bulungana u Niga tere Iesu Kristo te kolotein e Jon 12:48

A katuun te tori tsuga nanou lia na te rama nena u raranga i tar, nonei ena butu noa has noua tara tsonun ona turu raranga tara kapakapana pöata. Na u raranga te katoe gulia nonei tena ona pouts hase nouen.

Aposol 16:16

Turu töa u lan alam u la uu tara makum ti roron singoia, be tupalem a taholun kukui puku te ka mei a masaloho te hatein a manka tena la nama. A tahol teka e harangi a töa liliahanei a omi, ba nonei e lu bera nei u katuun ti hakuie ien a pan nen a moni.

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Aposol 20:7

Turu Sandei alam u gono sil tego nou hoboto uu bate kato hasem a Komunio. E Pol e katsin la turu hamahö ba nonei e rangana turu katuun me pile kap ranen e antunaia tara gusuna bong.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

1 Korin 11:20

Kaba pöata te hagum hoboto mia limiou, alimiou ema lu hamanemi a Komunio. E möa.

1 Korin 14:23

Na te gono hoboto ria u katuun bate ranga hoboto ria turu tana u mar ranga, ba katuun tema hamananei te hengona, nonei e ranga nou bate poeiena alimiou e tutu korumiou.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

1 Korin 5:4

Alimiou go hagum hobotoiam tara solona e Iesu a Tsunono i tarara, ba namnameir tena ka gono mera noulimiou na nitagala has tere Iesu a Tsunono i tarara.

Pilipai 4:5

Alimiou go kato hatami mia turu katuun hoboto. A Tsunono e sukusukun kopis poutsnama.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

1 Tesalonaika 5:11

E kato uana teka, ba limiou te hiatagtaguhu miou bate hatagale miou a taina katuun ti roron markato uaiam limiou.

Hibru 10:24

Aragi hakats sil hasir a man hahatoulana i tarara, bate taguhu raren tegi hatara menaien u ngilngil i taren bate katoeier a man toukui a man niga.

Hibru 10:37

Taraha, u Buku u Göagono e poeiena: “Ema pina noi ba katuun tego lama tena la nama romana. Nonei ema hamokomoko namei romana.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

Jemis 5:8

Na limiou go hahaloso haniga hasiam. Kato hatagaleiam a torimilimiou, taraha a Tsunono e sukusukun la nama.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

2 Pita 3:9

A Tsunono ema hamokomoko nei tega kato menaien a manka te ranga hamana naien tega katoeien, temar hakats uaier a palair u katuun. E möa. Nonei e hahaloso ranou limiou, taraha nonei ema ngile nei ta töa ta katuun ega taia, kaba e ngilena u katuun hoboto egi habirits ban a man hakats na man markato a man omi i taren.

U pas te kolotein e Jut 1:19

Nori u mar katuun teka te habuter a niomi i gusumilimiou, bu katuun te hia raharahar. Nori a pal katunura i puta, na ema ka meri u Namnamei tere Sunahan.