Hibru 10:24 - U Bulunagana U Niga

²⁴ Aragi hakats sil hasir a man hahatoulana i tarara, bate taguhu raren tegi hatara menaien u ngilngil i taren bate katoeier a man toukui a man niga.

Hibru 10:24 ပူးပေါင်းရင်းမြစ်များ

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

U pas te koloto menai e Pol turu kristenira i Rom 11:4

Be Sunahan e ranga palisena e Ilaitsa me poeiena, “E möa. A 7,000 tara katuun i tar e kar tema hatsunoneri u kesa u liliahanei e Baal. Alia e taguhu ragouen.”

U pas te koloto menai e Pol turu kristenira i Rom 12:15

Sasaala gono me raiam a pala te sasaalar, bate tabe gono has meramiou a pala te taber.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 9:22

Na pöata te ka gono meragi lia u katuun tema hamana hatagalari, alia e kato here nagi a peisar nori, bate taguhu sil ragien tegi hamana hatagala uaien. Alia e here hamanasagi a mamanaka turu katuun hoboto, ba lia te tatei las meragi a palai tara maroro tara Tsunono.

2 Korin 8:8

Alia ema tuke ragi limiou, alia e ngilin tara negu a nimana tara nimaniata tara palair u kristen te ngilin hitaguhur, balia te kato silegu alimiou go haröto has naiam tego ngil hamana koru mera milimiou u katuun tere Sunahan bate hala namiou a monin hitaguhu.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:1

A matsi hahatoulana, te atei sile mia limiou ta töa ta katuun i gusumilimiou e kato ta ka ta omi, alimiou te kukute miou na te kame miou u Namnamei tere Sunahan e tatei kato hamatskö poutsemiou a markato tara katuun teka. Kaba alimiou go tami mia i tanen batema poeiemi alimiou e niga bala namen. Na limiou go hahanei has iam taka ena mots kato harus ranou limiou.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 5:11

E kato uana teka, ba limiou te hiatagtaguhu miou bate hatagale miou a taina katuun ti roron markato uaiam limiou.

2 Tesalonaika 3:9

Alam sanena tu ngil ba lam te hatei ramou limiou tego hanou pukpuku merami limiou alam. Kaba e möa. Taraha, alam e ngilin haröto rami limiou tego kui peisa sil mena milimiou a kannou i tamilimiou, tu kato has uu lam.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Taitus 2:4

bate haröto rari a touhaliou te kukubei noar, ime tegi mar ngil meraien a pal tson na galapien i taren,

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.