Hibru 10:14 - U Bulunagana U Niga

¹⁴ Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.

Hibru 10:14 ပူးပေါင်းရင်းမြစ်များ

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

Aposol 26:13

O King, alia u la noaia i maroro tara söasa balia e taregu u töa u ualesalana i Kolö te alesala balein a pitala, ba nonei e piraha hahise noulia na u katuun has ti la gono meiou lia.

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.

Hibru 10:1

A Lo turu Jiu e haharuei nena a manka man niga tega lama, kaba ema halesala ranera. Nonei ema haröto ranei ra a mouna a manka teka. Na Lo ema antunan kato haniga nitöa ranei ra. Na man haats te hala ner turu mamana u hiningal, ema antunan kato haniga nitöa ranei u katuun te la hasukusukur bate hatsunoner e Sunahan. E möa.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:12

Kaba e Kristo e halan u töa koru u haats tara man markato a man omi, ba nonei ena gumna tara pal matou tere Sunahan.

Hibru 13:12

Na e Iesu e mate hasia ielesala tara taun tega hamatskö meraien ra tere Sunahan turu rahatsing peisa i tanen.

Hibru 2:11

E Iesu e kato ranei ra u katuun u matskö tere Sunahan, na ra e ka mera a töa puku a Tamarara. Nonei tena matsingolo benei e Iesu te ngö mera neien ra u toulanen na u hahinanen.

Hibru 7:19

A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

Hibru 9:10

Nori i ka las mei a markatona tara kannou na tou ua na mamana mar nigalus. Nori i ranga lasiin a man kana turu tuenrei e antunana tego hamatskö menai e Sunahan a mamanaka a tsimus.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.