Galesia 6:9 - U Bulunagana U Niga

⁹ Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

Galesia 6:9 ပူးပေါင်းရင်းမြစ်များ

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 24:13

Kaba u katuun te pile kap ner romana a markato tere Sunahan tara pöata a omi teka batema hapolaserien, e Sunahan e lu pouts mera noien i tanen.

Matiu 25:17

Na tara töa noahas a markato ba tson pepeito kap te lui a huol a talen moni ena luena a taina a huol a talen moni len.

Matiu 9:19

Be Iesu e takeina me la gono menen na u katunun tsitsilo has i tanen.

U Bulungana u Niga tere Iesu Kristo te kolotein e Mak 3:3

Be Iesu e poeiena tara katuun a limamate, “La uama i mam teka.”

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

2 Korin 4:16

Pöata te hakats na mia lam a manka teka, alam ema sökanami bate hakapam. E möa. E manana, u tuenrei i tamulam e la puta susuluna, kaba u namnamei i tamulam e hatsimus kakap nitöa naier turu mamana u lan.

2 Korin 9:6

U hakats pan koru teka e poeiena, tema leba hapara moalö, alö na nou hase mou a kannou a topisa. Kaba te leba hapara moalö, alö na nou hase mou a kannou a parpara.

Epesis 3:13

Na lia e hatei ragou limiou, alimiou goma tori tiama silemi te sagoho kamits sil mera gilia limiou. Taraha, a ka teka e haröto nena alimiou ema katuun papala mi i matana e Sunahan.

2 Tesalonaika 3:13

A matsi hahatoulana, alimiou goma sökana memi te kato haniga uami limiou.

Hibru 12:3

Alimiou go hakats haniga naiam e Iesu. Nonei e tagala sil korui e Sunahan, e noahasina ti kato hohomi koru menaien u katuun u omi, ba limiou tema tatei sökana moi bate tor tsuga miou.

Hibru 12:5

Alimiou a galapien tere Sunahan u solopala hakapeiam a man raranga a man niga te ranga gono merai limiou e Sunahan? Ba nonei e poeiena, “A pien i tar, möa tu tara papali te hahuna menanei lö a Tsunono. Na pöata te hahune nen lö, möa tu tori tiama.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Jemis 5:7

A matsi hahatoulana, alimiou go hahaloso hanigeiam te la pouts nama romana a Tsunono. A katuun e lebeiena a kui i tanen bate hahalosena a langits na pitala tegi kui hoboto uen. Nonei e hahaloso silena tega pan haniga uu a kannou te ngil korue nen.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.

1 Pita 3:17

Te tus raira e Sunahan aragi sagoho kamits, e nigana. Na te kamits merara te katoe rara a markato a omi, e niga hasina. Kaba te kamits merara te katoe rara a markato a niga, a ka teka e niga balana.

1 Pita 4:19

Na e markato uana teka, te kamits sile mia limiou u ngilngil tere Sunahan, ba limiou te kato haniga miou, bate hake mia a nitöatöa i tamilimiou i limana e Sunahan te kato raiou limiou. Nonei e roron kato hamanena a ka te ranga nanen.

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Revelesin 2:3

Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”