Galesia 5:11 - U Bulunagana U Niga

¹¹ A matsi hahatoulana i tar, tego hatei noahas merai lia u katuun egi hapö, ba taraha tsiponi ba nori te kato homi noahas ria i tar? Na tego hatei merai lia u katuun egi hapö, bara ba u raranga tara kuruse tema tatei kato homie nei u hakhakats i taren.

Galesia 5:11 ပူးပေါင်းရင်းမြစ်များ

Aposol 16:3

Pol e ngil korui e Timoti ga la gono meien. Ba nonei e lue nen me hapö nanen, taraha, u Jiu hoboto ti kaia tara han teka i atei sil e tamane Timoti a toun Grik. A tei Grik ima kukute ii a markato te hapö uaier ti tagala mei u Jiu.

Aposol 21:21

Nori i hengoen tu hatuts mera mei lö u Jiu hoboto te ka ria turu han turu katuun tema Jiu ri ba lö te poeiem nori gi tori tsuga ban a man Lo tere Mosis, ba lö e ranga has nem tegima hapö menaien a hatöatongo tere Sunahan tara galapien i taren, ba nori tema tatei kukute haseri a markato turu Jiu.

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 15:30

E hana bara te haka nitöa raria tara niomi a para?

Galesia 2:3

Alia u ka gonomei a hahikapien i tar e Taitus a toun Grik, kaba pal kapan teka ima ranga sile ii tegi hapö menaien.

Galesia 3:1

Alimiou u katunura i Galesia alimiou u katuun u tutu. Alam u hatara hakapa rai limiou e Iesu Kristo, te mate uaien tara kuruse tego luba menaien a man markato a man omi.

Galesia 4:29

Kaba tara pien tson te tuhanaia turu hiangilngil peisa turu mun tahol, nonei e kato homi a pien tson te tuhanaia tara nitagala turu Namnamei tere Sunahan. Na e kato has uana i iesana turu katunura i romana.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Galesia 6:17

Na lia ema ngil lenegi ta katuun ega hale ii lia ta nitiama. A man gahil tu lueia lia turu katuun ti omie ioulia e haröto nena alia a katunun kui tere Iesu.