Galesia 5:1 - U Bulunagana U Niga

¹ E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 5:1 ပူးပေါင်းရင်းမြစ်များ

Matiu 23:4

Nori e roron hake ria a man lo a man tiama turu katuun, a man lo te kamer a toukui pan. Kaba nori ema antunan kukutieri ta töa ta pal lo tara man lo teka.

U Bulungana u Niga tere Iesu Kristo te kolotein e Luk 5:38

U uain u tsimus tegi kis naia turu pikpikö u tsimus.

Aposol 15:10

Alimiou e namots torohanan kato haraharahemiou e Sunahan tego haka mena milimiou a markato a tiama teka turu kristen. I manasa u tuburara na ra has ima antunan söate ii a mar nitiama teka.

U pas te koloto menai e Pol turu kristenira i Rom 6:14

Na markato a omi egoma tatei mammam rai limiou. Taraha a markato tara Lo ema tsunono lel ranei limiou. E möa. A nihitaguhu tala tere Sunahan te ka gono meranou limiou.

U pas te koloto menai e Pol turu kristenira i Rom 6:18

Alimiou i hapolasa ba tala rai a man markato a man omi, bate kukutie miou a man markato a man niga.

U pas te koloto menai e Pol turu kristenira i Rom 7:3

Na te töatöa noana a tson ba tahol i tanen tena hitöl lel mena a tabina tson, nonei e kato talena a markato a omi. Kaba tega mateia a tson i tanen, ba nonei tena hitöl lenina, e niga talana nonei ema kato homi nei.

U pas te koloto menai e Pol turu kristenira i Rom 7:6

Kaba i romana ara e hanöa ba nera a Lo, nonei te kits kap raioura. A Lo ti koloto naia turu buku i manasa. Kaba i romana ara e hatakui talera a markato a tsimus, te hala ranera u Namnamei tere Sunahan.

U pas te koloto menai e Pol turu kristenira i Rom 8:15

U Namnamei te hala rai limiou e Sunahan, ema kato ranei limiou u katunun kukui puku ba limiou te matout miou. E möa. Nonei u Namnamei te kato ranou limiou ba limiou te galapien uamiou tere Sunahan. Ba limiou temar ngö tala memien teka, “O Tamar, o Tamar.”

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

1 Korin 7:22

A katunun kukui puku te ngöena a Tsunono e here nei a katuun te tapurese hakapaia i matana a Tsunono. Na katuun tema katunun kukui pukui tara pöata te ngöeien e Sunahan e here tale nei a katunun kukui puku tere Kristo.

2 Korin 11:20

Alimiou ema ka hamana memi ta niatei. Taraha, a pal tson teka e hakui pukpuku rariou limiou bate a angoso rariou limiou na e gul haser a moni na mamanaka i tamilimiou, na alimiou ema hapiou ramien. Nori e sigala rariou limiou bate tapaler a pole milimiou.

2 Korin 3:17

A Tsunono nonei u Namnamei. Na te kana u Namnamei tara Tsunono tara katuun, nonei ema ka lel neia i manasa.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 3:25

Na pöata turu nihamana e butu hakapa tala, na tson taratara kap ema tarakap lel ranoui ra.

Galesia 4:26

Kaba e Sara e haharuei nena u taina u rangan kits, nonei a Jerusalem a tsimus i Kolö te haharuei nena a Nipepeito hamana tere Sunahan. Na pien tere Sara e haharuei ranou ra a galapien hamana tere Sunahan tema ka lel ria i kopina a Lo.

Galesia 4:31

Bara, a matsi hahatoulana, ara ema galapien tala uari tara taholun kukui puku. E möa. Ara a galapien tala tara tahol hamatskö.

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Epesis 6:14

A katuun te hiatatung silena e Sunahan e kato uana tara soldia te hamatsköena a man kaan hiatatung i tanen. Nonei e hapouseiena a lete na e hasogeiena a kaan hatukap turu lumluma na e hasogeiena u sendol na e pile nena a kaan hatukap na e hakopeiena u hatan hiatatung na e pile nena u kilatan hiatatung. Te markato tala uanen teka ba limiou te katoemiou u ranga te manana bate katoemiou a markato a matskö bate polasemiou u Bulungana u Niga tara masalohana. Na limiou go pile hakarapoto has naiam u nihamana bate lu hasemiou a nihitaguhu tere Sunahan, be Satan tema antunan kato homi ranoui limiou. Ba limiou te hake mia u raranga tere Sunahan i torimilimiou. U Namnamei tere Sunahan e kato homieiena a toukui tere Satan.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

1 Tesalonaika 3:8

Na te kato nitöa uamou limiou teka, ba torimulam te niga nitöa hasi nou.

2 Tesalonaika 2:15

E markato uana teka a matsi hahatoulana, ba limiou te kato sil noe mou u ranga hamana ti hatuts rai lam alimiou na ti hengoe mialimiou i rungumulam na turu pas has.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

2 Pita 2:19

U tson hihatuts teka e roron ranga meraier u katuun egi kukute raien batema tatei karia tara kits kap, kaba nori pouts has te kits kap gono meri a peisa ren a markato a omi i taren. Taraha, a katuun e ron kits silena a saha ka te roron mammam nanen.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

Revelesin 2:25

Kaba alimiou go pile hakarapoto naiam u nihamana na markato a niga te ka memi limiou e antunana tena kopis pouts guma lia romana.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.