Galesia 4:8 - U Bulunagana U Niga

⁸ I manasa alimiou ima atei silemi e Sunahan bate hererami u katunun kui tara man got gamogamo.

Galesia 4:8 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:10

Nonei e lauama tara han i puta te habuteien, kaba u katunura i puta ima mareien.

Aposol 14:12

E Banabas nori i ngöeien e Sius, na e Pol i ngöeien e Hermis, taraha e Pol a katunun raranga.

Aposol 17:23

Alia u hula la bate tareiegu a man makum a man Göagono te lotu mia limiou. Alia u tara hasi a töa makumun haats te kana u ranga te poeiena: ‘Tara töa got tema atei sileri u katuun.’ Nonei a Got teka te hatsunono uami limiou na limiou ema atei sile mien, nonei a Got te habulungana nagu lia i tamilimiou.

U pas te koloto menai e Pol turu kristenira i Rom 1:23

Nori ema hatsunoneri e Sunahan a kapan te ka nitöana. E möa. Nori e hatsunono laser u kesa tara ka te tatei matena: a katuun na apena na poum na muki na kökötsi.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 12:2

Alimiou e atei silemiou a pöata tu tematan noa mia limiou, alimiou u kukuteiam a markato ti hatsunono menai u kesa tema töatöa nei.

1 Korin 8:4

Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

1 Pita 4:3

Tara pöata i manasa alimiou u kato hantuna hakapeiam man markato a man omi te roron ngiler u katuun te hahamanar. Alimiou u ronge mia a peisa milimiou turu ngilngil u omi bate uaua pala mia tara man pati a man omi, bate tutu memiou u ramun u tagala, bate hatsunono hase miou a man got gamogamo. A markato teka alimiou u katoe men i manasa kaba i romana e möa.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.