Galesia 4:26 - U Bulunagana U Niga

²⁶ Kaba e Sara e haharuei nena u taina u rangan kits, nonei a Jerusalem a tsimus i Kolö te haharuei nena a Nipepeito hamana tere Sunahan. Na pien tere Sara e haharuei ranou ra a galapien hamana tere Sunahan tema ka lel ria i kopina a Lo.

Galesia 4:26 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 8:36

Alia a pien tere Tamar e Sunahan. Te hapurese ragoua lia alimiou, ba limiou te töan tapurese hamana nitöa mou.

U pas te koloto menai e Pol turu kristenira i Rom 6:14

Na markato a omi egoma tatei mammam rai limiou. Taraha a markato tara Lo ema tsunono lel ranei limiou. E möa. A nihitaguhu tala tere Sunahan te ka gono meranou limiou.

U pas te koloto menai e Pol turu kristenira i Rom 6:18

Alimiou i hapolasa ba tala rai a man markato a man omi, bate kukutie miou a man markato a man niga.

Galesia 4:22

I koloto naia turu Buku u Göagono, e Abraham e kamei a huol a pien tson. E Hega a taholun kukui puku i tanen e posei a töa, na e Sara a tahol hamatskö i tanen e posei a tabi.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Hibru 12:22

Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

Revelesin 12:1

Ba u hiharöto u kapan koru e butuna i Kolö. A tahol te hasogi a pitala, na tsihou e kaia i kopina pitapitana mounen, na u hatan tsunono i bakunen e ka mei a maloto na huol a pitopito.

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.