Galesia 4:19 - U Bulunagana U Niga

¹⁹ A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Galesia 4:19 ပူးပေါင်းရင်းမြစ်များ

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

2 Korin 12:14

Alia e kato taatago poniegu tegona tara merai limiou, a hatopisana a pöata. Na lia ema hasösö ragoui limiou ta ka go hala namuma limiou. Alia ema ngilegi a manka i tamilimiou, alia e ngil tuun ragou limiou. A galapien ema tatei hanoueri e tsinaren na e tamaren. E möa. E tsinaren na e tamaren te hanou raier a galapien.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Epesis 4:24

Na limiou go marka uaiam temar ngil uana e Sunahan, na markato i tamilimiou ega matskö bate göagonona.

Pilipai 1:8

E Sunahan e atei silena a torir e ngil koru ranou limiou hoboto temar ngil has mera nei limiou e Iesu Kristo.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:5

Alimiou go ka has meiam u mar hakats te ka has meiena e Iesu Kristo:

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 2:1

Na lia e ngilin hatei ragi limiou, alia u kui hatagala sil koru rilimiou na u katuun hasira i Laodisia te hamanar, na u katuun has tima tara noaia i matar.

Kolosi 3:10

Na limiou e ka tala memiou u hakhakats na u ngilngil u tsimus u niga. E Sunahan te habutu raiou limiou e kato here ranei limiou a peisanen. Na nonei e taguhu ranou limiou tego atei haniga sil mena mien limiou.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Tesalonaika 2:7

Alam u tuatami gono meraiou limiou, te kato uana a tahol te tuatami gono merena a galapien i tanen.

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Pilimon 1:10

Alia e harangata silegu a pien i tar e Onesimus te hatamana negulia te karabus gia lia, taraha alia u taguheien tego hamana uaien tere Kristo na nonei e here talenei a pien i tar.

Pilimon 1:19

Alia e Pol na lia e koloto peisegi u raranga teka a limar, alia e hamatane gou lö. Kaba lö e atei silem alö e ka has mem a haroho i tar, taraha alia u taguhe ioulö balö te hamana uaiem tara Tsunono.

Hibru 5:7

Tara pöata te kaia e Iesu i puta, nonei e singo hatagala koru u tere Sunahan bate ngala hapan koru mena te singo sil menaneien ta hitaguhu, taraha e Sunahan e antunan hatongo kap nanen tara tou mate. Na e Sunahan e hengo haseien, taraha nonei e hengo koru hasi e Sunahan.

Jemis 1:18

Turu ngil peisa i tanen e Sunahan e hatuhana raiara turu ranga u mana i tanen. Nonei e kato menai a ka teka bara te here rari romana u katuun tutuun tara hun katuun a tsimus i tanen.

1 Jon 2:1

A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.

1 Jon 2:12

A matsi galapien alia e koloto uagu i tamilimiou, taraha e Iesu e luba hakapein a man markato a man omi i tamilimiou.

1 Jon 5:21

A matsi galapien i tar, alimiou ego ka halehana ba naiam a man got gamogamo. Alia e Jon

3 Jon 1:4

Pöata te hengo nagia lia a galapien i tar e kukute hanigeier u raranga u mana, ba lia te sasaala korugu. U bulungana teka e pan saluhe ba nitöa nena a manka hoboto te tatei kato hasasaale noulia.