Galesia 4:15 - U Bulunagana U Niga

¹⁵ I manasa ara i ron sasaala hoboto koru. Ga i romana aha te omi tsiponina? Alia e hatei ragou limiou, i manasa alimiou u ngil korue moulia. Alimiou sanena tego antunaiam, ba limiou te hase miou a mata milimiou bate hale mien lia.

Galesia 4:15 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 8:13

Na man ngal ti pururukuia turu tsiktsiki te ka mena u lapo e hatei nena a pala te hengoer u raranga bate sasaala koru meren. Kaba u raranga ema la koru uanei turu hakhakats i taren. Bate hamana meier a tsitabubun pöata, ba pöata te butuna u hiamus, ba nori te kurapa hobotor.

U pas te koloto menai e Pol turu kristenira i Rom 10:2

Alia e atei silegu, nori e tagala sil koruer e Sunahan, kaba nori e peko ba ner a niatei hamana i tanen.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

2 Korin 8:3

Alia e hatei ragou limiou, nori i hala mei u ngil peisa i taren timar pile hapopo uaien bate na rus hasina.

Galesia 3:14

E Kristo e markato uu teka ba u katuun has tema Jiu ri te kalala sila raria tere Abraham ti hamana uaien tere Iesu Kristo. Nonei e markato uu teka ba tara nihamana i tarara bara e luera u Namnamei u Göagono tere Sunahan ti ranga hamana nen.

Galesia 4:14

Na siki i tar e habutu hasi a nitiama i tamilimiou, kaba limiou ima taratara pukue milia. Alimiou u mar tarakap mena milia tego mar tarakap mena milimiou a angelo tere Sunahan, na e Iesu Kristo has.

Galesia 4:16

Kaba i romana alimiou e omi tsipon tale moulia te habulungana mena gilia u raranga u mana?

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 6:4

Man tötöa man katuun hoboto e tatei tara marei peiseier tega niga u a markato i taren tsi tega omi uaien. Na katuun te kato hanigana e tatei sasaala mena a markato a niga i tanen, kaba nonei ema tatei pei nei a markato i tanen e niga bala nena a markato tara tana katuun.

Kolosi 4:13

Na lia has e hatei ragou limiou e Epapras e kui hatagala koru bera noulimiou, na turu katuun hasir i Laodisia na i Hirapolis.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

1 Tesalonaika 5:13

Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.