Galesia 3:21 - U Bulunagana U Niga

²¹ Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Galesia 3:21 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 20:16

Nonei e la nama romana batemi atung hamate ranen, bate hala mena nei romana a kuin grep turu katuun u niga.” Ba pöata ti hengo naia u katuun a ka teka ba nori e poeier, “U katuun egima tatei kato homi uai teka!”

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

U pas te koloto menai e Pol turu kristenira i Rom 3:4

E möa koru! E Sunahan e ron ranga hamana nitöa lasina, noahasina te roron gamo hoboto uer u katuun. Taraha, u Buku u Göagono e mar ranga mena nei e Sunahan teka: “U raranga i tamölö e haröto nanou alö e matsköm. Te kout narouen lö ba nori te sabie riou u raranga i tamölö e matsköna.”

U pas te koloto menai e Pol turu kristenira i Rom 3:6

E möa koru. Sanena e Sunahan egoma hahuna raira, ba nonei tema antunan ona has ranei u katuun hobotora i puta teka.

U pas te koloto menai e Pol turu kristenira i Rom 9:31

Na u katunura i Israel ti kukute a Lo bate katoeier a man toukui tara Lo, kaba e möa tego mala butu hamatskö uaien i matana e Sunahan.

2 Korin 3:7

A man Lo tere Mosis i koloto naia tara hatu, bu ualesala tere Sunahan e butuna tara pöata ti hakeia a Lo. U ualesala i tanen e butu halesala koruia i matana e Mosis. U katunur i Israel ima antunan tara uai i tanen, taraha ualesala e pan koru, noahasina te tia susul uen.

Galesia 2:17

Kaba pöata te hamana ria ra tere Kristo bate hamana silera tego kato hamatskö merai ra e Sunahan, ba palai te poeier ara e here rari u katuun tema pala uari turu Jiu te kato homir batema kukutieri a Lo. E hana, e Kristo te haniga nena tegi kato homi u ra? E möa koru talasi!

Galesia 2:19

A Lo turu Jiu e haröte nei lia, alia e heregi a katuun e mate hakapa, taraha alia ema antunan kukute haniga nitöa nagi a Lo. Na tara maroro teka alia e töatöa gono megu e Sunahan. Na lia u kute gono hakapa meia e Iesu tara kuruse me mate gono megen.

Galesia 2:21

Alia ema ngilin katoegi a nitaatagi tere Sunahan a ka pinopino. Tega kato haniga raira a Lo tere Mosis ba ra te butu haniga ria i matana e Sunahan, bora, ge Iesu e mate pinopino tala.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 7:18

Na e Sunahan e hakapa mei a lo na i manasa, taraha nonei a lo teka ema tagala ii, e ka pinopino tuun.

Hibru 7:19

A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.