Galesia 3:17 - U Bulunagana U Niga

¹⁷ U raranga te katoe gulia e markato uana teka: i mamnen koru e Sunahan e kato gono mei e Abraham u ranga hamana. Na Lo turu Jiu, te butu hamurimurima i murina u 430 u hiningal, ema tatei kato pekoe nei u ranga hamana tere Sunahan.

Galesia 3:17 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

Aposol 7:6

E Sunahan e mar ranga uu teka i tanen me poeiena, ‘U tubumölö i murimuri ena ka roua tara palair u han turu tana u katuun, ba nori tena hakukui puku rariou bate kato homi rariou e antunanoa turu 400 u hiningal.

U pas te koloto menai e Pol turu kristenira i Rom 3:25

E Sunahan e hopö kapiin e Iesu tega nolo be pouts meraien u katuun hoboto. Nonei e mate sil tego luba menai e Sunahan a man markato a man omi turu katuun, tegi hamana uaien tere Iesu. E Sunahan e kato mei a ka teka tego haröto menaien te matskö uanen. Taraha, i manasa nonei e tara hahalongolo tuni a man markato a man omi turu katuun.

U pas te koloto menai e Pol turu kristenira i Rom 3:3

E manana, a palai i taren ima hamanei e Sunahan. Kaba ema antunan hapiou nai e Sunahan a ka te ranga hamana naien ega katoeien.

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 1:17

E Kristo ema hala sile mei lia tegomi baptais merai lia u katuun. E möa. Nonei e hala sile mei lia tegomi hahatei menai lia u Bulungana u Niga. Kaba ema mar niatei uanei temar atei uana a katuun, taraha a kuruse tere Kristo e namots lubanari a nitagala i tanen.

1 Korin 10:19

Alia ema peigi u kesa e manana. Na lia ema pei hasegi a kannou te hala naria turu kesa a ka a kapan.

1 Korin 7:29

A ma tsi hahatoulana, u raranga i tar e mar mouna uana teka: a pöata i tarara i puta e makmakumuna. Na e möa ta ka tego tatei hatu kap ba rai limiou u ngilngil tere Sunahan. A katuun a hitöl goma hakatsin töapala nai a hitöl, kaba ega hakats hasiin a toukui tara Tsunono tego mar hakats has uu a katuun a tabuna hitöl.

2 Korin 1:20

U mamana u ranga hamana hoboto tere Sunahan e butun mana sila ma tere Iesu, te pei sila na rira “U mana” tara pöata te singo ria ra. Bara te ranga sila narien tara solona e Iesu bate soloseiera e Sunahan.

2 Korin 9:6

U hakats pan koru teka e poeiena, tema leba hapara moalö, alö na nou hase mou a kannou a topisa. Kaba te leba hapara moalö, alö na nou hase mou a kannou a parpara.

Galesia 3:15

A matsi hahatoulana, alia e hatei ragi limiou u töa u haharueina temar ka uarara tara man tötöa man lan. Tega kitseia a katuun u ranga, ba u katuun te haniga naren, e möa ta katuun tega tatei pekoeien romana na tega tatei hapona hasia turu ranga i tanen.

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Galesia 5:16

Alia e hatei ragi limiou, alimiou go hengo hanigeiam u Namnamei u Göagono tere Sunahan tara mamanaka te katoe milimiou, ba limiou tema kukutiemi u ngilngilina i puta.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

Epesis 2:12

Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Kolosi 2:4

Alia e mar ranga mera gilimiou teka, taraha a tana katuun e namots ranga mera nei limiou u gamo.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 7:18

Na e Sunahan e hakapa mei a lo na i manasa, taraha nonei a lo teka ema tagala ii, e ka pinopino tuun.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.