Galesia 3:16 - U Bulunagana U Niga

¹⁶ Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Galesia 3:16 ပူးပေါင်းရင်းမြစ်များ

Matiu 1:1

Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.

Aposol 3:25

Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

U pas te koloto menai e Pol turu kristenira i Rom 4:16

Nonei te hala sila naia e Sunahan u raranga hamana teka i tanen turu katuun te hamanar. A nihitaguhu peisa tere Sunahan te habutu hamane nou u raranga hamana i tanen. E markato uana teka bu ranga hamana i tanen te la uana turu katuun hoboto tere Abraham. E la hoboto uana i tarara u katuun te hamanara, u Jiu na u katuun has tema Jiu ri, tegi mar hamana uu ra temar hamana uu e Abraham. Taraha, e Abraham e here nei e tuburara hoboto u katuun te hamanara.

U pas te koloto menai e Pol turu kristenira i Rom 9:4

Nori u katunura i Israel, u Jiu, a hun katuun te hopö kapiin e Sunahan. E Sunahan e hahahu beraien u katuun i tanen, bate haröto nena a nikapan i tanen. Nonei e kato gono meraien a man rangan kits bate hala raneien a Lo i tanen. Na nonei e haröto raien tegi mar hatsunono menaien, bate hala raneien u raranga u mana i tanen.

1 Korin 12:12

Na u tuenrei e ka has mena a mamana makum, na mamana makum turu tuenrei e noahasina te para uaren, nori hoboto u töa puku u tuenrei. Te kato has uana e Kristo.

1 Korin 12:27

Alimiou tala u tuenrei tere Kristo, na man tötöa i tamilimou a man makum turu tuenrei i tanen.

2 Korin 11:22

Nori a tei Hibru? Alia has a toun Hibru. Nori a tei Israel? Ga lia has a toun Israel. Nori e hatubuna ria tere Abraham? Ga lia has.

Galesia 3:19

Gaha te hala sile ii e Sunahan a Lo? Nonei e hala sileien ti kato homi uu katuun bate ngilin haröto raneien a mouna a markato a omi i taren. Na Lo e ka hapopoia tara pöata tega butuia nonei a katuun tere Abraham, e Kristo, a katuun te hala mei e Sunahan u ranga hamana i tanen. A man Lo tere Sunahan u angelo ti la mam memen ba nori emi hale rien e Mosis be Mosis e hala nanen turu katuun. Kaba pöata te hala naia e Sunahan u ranga hamana i tanen tere Abraham, nonei e kato pepeiseien, na e möa ta katuun tega taguheien.

Galesia 3:8

I manasa koru e Sunahan e atei sil mami u katuun tema Jiu ri, ena hamana roua i tanen na turu Bulungana u Niga. Ba nonei te ngö ranoien u katuun u matskö. Na i manasa koru nonei e hate ii e Abraham u Bulungana u Niga teka. Ba nonei e poeiena, “Alia ena kalala sila ragoua a man hun katuun hoboto i puta i tamölö.” Temar ranga noahas uana u Buku u Göagono.

Epesis 5:32

Nonei u raranga u kapan koru teka te haharueina nena e Kristo na hun katuun i tanen e hereri a töa katuun.

Kolosi 2:19

Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

Kolosi 3:11

Na tara markato a tsimus teka, e möa lel ta toun Jiu na e möa lel ta katuun tega hapö. Na e Sunahan ema hakats has ranei eresi u katuun halhal na eresi u katunur i gusuna latu na u katuun te hakhakui puku raier na u katuun te tuol peisa naier a peisaren. E möa. I romana e Kristo te panina na nonei e kana iahar u katuun hoboto i tanen.