Galesia 2:6 - U Bulunagana U Niga

⁶ Na pal kapan turu lotu ima hapone ii tu töa tu raranga tara man ranga i tar. Alia ema hakats hapara nagi te pal kapan uaren taraha, e Sunahan ema hakats has nanei a solo a kapan tara katuun. E möa.

Galesia 2:6 ပူးပေါင်းရင်းမြစ်များ

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

U Bulungana u Niga tere Iesu Kristo te kolotein e Mak 12:14

Ba nori e la uarima i tanen memi poeier, “Tson Hihatuts, alam e atei silem alö a katununa turu mana. Alö ema hakats silemi a ka te ranga ner u katuun, taraha alö ema hakats nami a nitsunono tara katuun. Alö e hihatuts hamana nem a maroro tere Sunahan. Bara, a Lo i tarara e hapiou nena tegi hala menai ra a takis tere Sisa a gamman pan, tsi e möa?

U Bulungana u Niga tere Iesu Kristo te kolotein e Luk 20:21

Ba nori e rangate ren me poeier, “O Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan. Taraha? Alö e mamala hakats silemi a nikapan turu katuun.

Aposol 10:34

Be Pita e tanian rangana me poeiena, “Alia e atei hamana talagu, e Sunahan ema ngil kalakala ranei u katunura i puta. E möa.

Aposol 5:36

Ema manasa korui a töa katuun a solonen e Tiudas e pei hasi, ‘Alia e ka megu a nitagala.’ U 400 tara katuun i hamaneien. Kaba a gamman e atung hamateien, ba u katuun hoboto ti hamanaia i tanen e la kalakalar ba u hihatuts e tia hakapana.

U pas te koloto menai e Pol turu kristenira i Rom 2:11

E Sunahan ema ngil ranei a palair u katuun puku bate rama raiena a palai. E möa. E Sunahan e mar ona meranei u katuun hoboto iesana.

2 Korin 11:5

Alia e peiegu u aposol gamogamo teka ema pan bala nari lia.

2 Korin 12:11

Alia e ranga here gulei a katuun a tutu. Kaba lia e kato silegi a ka teka tego söata menai lia tu ranga tu niga i tamilimiou. Alia a katuun papala, kaba lia ema tetenei nagi u aposol u nigan ranga i tamilimiou.

2 Korin 5:16

Be ni tala, alam ema tara lel here nami a katuun temar tara uaier u katunura i puta. E möa. I manasa alam u mar hakats uu teka tere Kristo, kaba i romana e möa.

Galesia 2:2

E Sunahan noahas te hatarein tego la uu lia. Ba lia ena gum gono meraiegu a pal kapan turu Lotu me hatei ragien u Bulungana u Niga, ti roron ranga merai lia u katuun te halhal ria turu Jiu. Alia u mar hakats u teka: A toukui ti katoema lia i manasa te antunana i romana ena mots lalapukuna.

Galesia 6:3

Kaba limiou goma mar hakats uami teka bate poeiemiou, Alia a katuun pan na lia ema tatei hitaguhu gi. E möa. A katuun temar hakats uana teka e gamoena a peisanen bate here nei a katuun papala.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.