Galesia 2:4 - U Bulunagana U Niga

⁴ Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 2:4 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 5:38

U uain u tsimus tegi kis naia turu pikpikö u tsimus.

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:24

“Alam u hengoen a palair u katuun i tamulam ina hasingoto koru merai limiou a man raranga i taren. Ba nori e kato hatutueier u hakats i tamilimiou. Kaba alam uma ranga mera leien tegina markato uaien teka. E möa.

Aposol 20:30

A palair u katuun i tamilimiou pouts has te katoeier romana u ranga u gamo, tegi las merai u kristen bate kukute raren.

U pas te koloto menai e Pol turu kristenira i Rom 8:15

U Namnamei te hala rai limiou e Sunahan, ema kato ranei limiou u katunun kukui puku ba limiou te matout miou. E möa. Nonei u Namnamei te kato ranou limiou ba limiou te galapien uamiou tere Sunahan. Ba limiou temar ngö tala memien teka, “O Tamar, o Tamar.”

2 Korin 11:13

U katuun teka ema aposol hamanari. E möa. U katuun u gamogamo te kato here nari a peisaren u aposol tere Kristo.

2 Korin 11:17

Alia ema kukute talegi u raranga tere Sunahan. E möa. Alia e ranga heregi a katuun a tutu bate soloseiegu a peisar.

2 Korin 11:20

Alimiou ema ka hamana memi ta niatei. Taraha, a pal tson teka e hakui pukpuku rariou limiou bate a angoso rariou limiou na e gul haser a moni na mamanaka i tamilimiou, na alimiou ema hapiou ramien. Nori e sigala rariou limiou bate tapaler a pole milimiou.

2 Korin 11:26

Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.

2 Korin 3:17

A Tsunono nonei u Namnamei. Na te kana u Namnamei tara Tsunono tara katuun, nonei ema ka lel neia i manasa.

Galesia 1:7

E möa len tu taina tu mar hihatuts tega ka, kaba palair u katuun e ngilin kato hatutu tuun rariou limiou bate maman palis naier u Bulungana u Niga tere Kristo.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 5:10

Na e Sunahan e hahune nou esi a katuun te kato hatutu ranou limiou. Kaba lia e hamanegu a Tsunono e taguhu ranou limiou ba limiou temar hakats uamou temar hakats uagu lia.

2 Timoti 3:6

A palai ena hohou kapiena rariou a man munmun tahol bate angöngoso mera roi a touhaliou u tutu u hihatuts u omi i taren. A touhaliou teka e saputu koru mer a man markato a man omi bate kukutier u mamana u ngilngil u omi i taren.

Jemis 1:25

Kaba a katuun te tarena a Lo a matskön töa tere Sunahan te hagum hanige nouen, e Sunahan e luba na noien a man markato a man omi bate sasaala mena a man toukui hoboto i tanen. Taraha, a katuun teka ema solopale nei u raranga tere Sunahan, kaba nonei e katoeiena a ka te ranga nanen.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

2 Pita 2:19

U tson hihatuts teka e roron ranga meraier u katuun egi kukute raien batema tatei karia tara kits kap, kaba nori pouts has te kits kap gono meri a peisa ren a markato a omi i taren. Taraha, a katuun e ron kits silena a saha ka te roron mammam nanen.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.