Galesia 2:20 - U Bulunagana U Niga

²⁰ Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 2:20 ပူးပေါင်းရင်းမြစ်များ

Matiu 4:3

Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”

U Bulungana u Niga tere Iesu Kristo te kolotein e Jon 1:49

Be Nataniel e poeiena, “O Rabai, alö a Pien tere Sunahan! Alö a katuun te hopö kap bin e Sunahan tego Kingia i Israel!”

U Bulungana u Niga tere Iesu Kristo te kolotein e Jon 10:11

“Alia e heregi a katunun pepeito kap a niga turu sipsip te tatei mate sil rena u sipsip i tanen.

U Bulungana u Niga tere Iesu Kristo te kolotein e Jon 15:13

E möa tu ngil tega antunaia turu ngil te mate sil menanei a töa katuun u katuun i tanen, nonei e haröto nena nonei e ngil koru ranen. E möa noahas tu ngil tega antunaia turu mar ngil teka.

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 3:35

E tamanen e Sunahan e ngil korue nen bate hale neien a mamanaka tego tsunono naien.

U Bulungana u Niga tere Iesu Kristo te kolotein e Jon 6:57

E Tamar te töatöa nitöana te tula na moulia. Na lia e töatöa sila has gia tere Tamar. Bara! Esi te noue noulia ena töatöa sila has noa i tar.

U Bulungana u Niga tere Iesu Kristo te kolotein e Jon 6:69

Na lam e hamanam na e atei sil hasem alö a Pien a Göagono te tula nema e Sunahan.”

Aposol 8:36

Pöata ti la noaien i maroro ba nori ena butu ria tara töa ramun, ba tson pepeito teka e poeiena, “Röto, a ramun teka. Aha te hatu kap na noulia tego habaptais uu lia?” Be Pilip e poeiena, “Te ka memialö a nihamana i torimölö, alö e antunan habaptaisim.” Ba nonei e ranga palisina me poeiena, “Alia e hamanegu e Iesu Kristo nonei a Pien Tson tere Sunahan.”

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

U pas te koloto menai e Pol turu kristenira i Rom 14:7

Ara ema töatöa sila ria turu ngil i tarara, e möa. Na ra ema mate has meroi u ngil i tarara. E möa.

U pas te koloto menai e Pol turu kristenira i Rom 4:25

E Iesu e mate sil a man markato a man omi i tarara me takei pouts silena tego kato hamatskö meraien ra i matana e Sunahan.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 5:6

A pöata tima ka noa meira ta nitagala tegi taguhu meira a peisarara, be Iesu e mate sil ranoura u katuun u omi, terena pöata noahas e Sunahan te hopö kap mamin.

U pas te koloto menai e Pol turu kristenira i Rom 5:8

Kaba e Kristo e mate sil raioura tara pöata ti omi noaiara. A ka teka e haröto marei ranei ra e Sunahan e taatagi koru raioura.

U pas te koloto menai e Pol turu kristenira i Rom 6:13

Alimiou egoma tatei rongarongemi a markato a omi bate kana i peisa milimiou. E möa. Alimiou go hala naiam a peisa milimiou tere Sunahan bate katoe miou a man markato te nigana i tanen. Taraha, e here nei alimiou u takei pouts mia tara tou mate bate ka memiou a nitöatöa a tsimus.

U pas te koloto menai e Pol turu kristenira i Rom 6:8

Na ti mate gono meia ra e Kristo, ba ra te töatöa gono has meren.

U pas te koloto menai e Pol turu kristenira i Rom 8:10

U tuenrei i tamilimiou e mate nou romana, taraha a markato a omi e kato homieien. Kaba te kana e Kristo i tamilimiou, ba namnamei milimiou te ka mena a nitöatöa tere Sunahan, taraha e Sunahan e kato hamatskö raia limiou i matanen.

U pas te koloto menai e Pol turu kristenira i Rom 8:37

Kaba e noahasina. E Kristo e hala ranei ra a nitagala tegi la sei koru uu ra tara mamanaka hoboto teka, taraha nonei e taatagi koru ranou ra.

1 Korin 6:17

Kaba a katuun te ka gono mena a Tsunono, nori e ka hoboto ria turu töa puku u namnamei.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

2 Korin 10:3

E manana, alam e ka mia tara han i puta teka, kaba lam e hiatatung mia turu namnamei.

2 Korin 11:10

Alia e hatei hamana ragia limiou tara solo tere Kristo, u ranga te hatei la nena a markato teka i tar ema hapiou naria tara man han i Gris.

2 Korin 13:3

Alimiou e hahamana namiou te ranga silana e Kristo i tar? Bara. Alia e haröto ragoui limiou, e Kristo ema pata ba ranei limiou. E möa. Nonei ena haröto nanou a nitagala i tanen i gusu milimiou.

2 Korin 13:5

Alimiou go tara pouts mia i peisa milimiou tego hamana hatagala noahas uaiam limiou. Tema sabie moi limiou e Iesu Kristo e kana i tamilimiou, alimiou e rus moa tara nitorohana teka.

2 Korin 5:14

E Kristo e ngil koru ranoura, nonei a ka teka te hakui ranou lam. Taraha, alam e atei silem e Kristo e mate silir u katuun hoboto. Na ka teka e poeiena u katuun hoboto i mate hakapa.

2 Korin 5:15

Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

2 Korin 5:7

Taraha, alam e tataala mia turu nihamana. Alam ema tataala memi a ka te tare mulam.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 2:16

Kaba ara e atei silera a katuun te kukuteiena a Lo turu Jiu ema matskö neia i matana e Sunahan. E möa. U katuun te hamana ria tere Iesu Kristo, nori u katuun te ngö ranoui e Sunahan u katuun u matskö. Ara e atei silera e möa ta katuun tega antunan matsköia i matana e Sunahan te kukute mena neien a Lo turu Jiu.

Galesia 3:11

Na katuun ema antunan matskö neia i matana e Sunahan te kukute tuun mena neien a man Lo. Kaba a katuun te hamana uana tere Sunahan nonei e ngöe neien a katuun a matskö, nonei e töatöa sila noua turu nihamana i tanen.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 5:25

Alimiou a pal tson ego ngil koru raiam a touhaliou i tamilimiou, te markato has uu e Kristo nonei e ngil korui a hun katuun i tanen ba nonei e mate sil ranen.

Pilipai 1:21

Taraha, a mouna a nitöatöa i tar e Kristo. Na te mate goua lia, ba lia te lue gou a nitöatöa te niga balana.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 8:3

A mamana pris pan hoboto e kamer a toukui tegi hala menaien a man kaan halhala puku na u haats tere Sunahan. Na a pris a tsunono pan i tarara ega ka has mei ta ka tega hala naien.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.

Revelesin 3:20

“Hengoiam! Alia e tuol gia tara tamana bate porporokogu. Te hengo marei noa a katuun a mar ranga i tar bate kalatena a tamana, ba lia e tasu gou ba lam tena nou hobotom.