Galesia 1:8 - U Bulunagana U Niga

⁸ Sanena lam tsi u angelo tego rarare berai limiou u bulungana te halhal na turu Bulungana u Niga, balam te korupakö has rariou.

Galesia 1:8 ပူးပေါင်းရင်းမြစ်များ

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

U Bulungana u Niga tere Iesu Kristo te kolotein e Mak 14:71

Ba nonei e poeiena, “E Sunahan e tatei hahune noulia te goma ranga hamana uai lia. Alia ema atei silegi a katuun te ranga nami limiou.”

Aposol 23:14

Ba nori e la uaier turu pris pan na tara pal kapan mena poeier, “Alam e katoe muma u hamal pan tegoma nou menai lam ta ka e noana tara pöata te atung hamate moa lam e Pol.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 12:3

Na lia e hatei ragi limiou, a katuun te ranga sila na turu Namnamei u Göagono tere Sunahan ema antunan ranga nanei, “Iesu egi korupaköni.” Na katuun tema kamenei u Namnamei u Göagono tere Sunahan ema antunan pei hase nei, “Iesu a Tsunono.”

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

Galesia 1:9

U raranga teka alam u habulungana mam has naien i manasa na alam e habulungana noahas namen i romana: te hihatuts nanoua ta katuun u raranga te halhal na turu Bulungana u Niga i tamilimiou, e Sunahan ega ranga hohomi naien.

Galesia 3:10

U katuun te hasola ria tara Lo turu Jiu bate poeier nonei lasi a maroro tena butu sila roien tere Sunahan, nori u katuun te korupakö raiena e Sunahan. Taraha, u rarangana turu Buku u Göagono e poeiena, “U rangan korupakö tere Sunahan e hake ria tara katuun tema kukute hanige nei a man raranga hoboto ti koloto naia turu bukuna tara Lo.”

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.