Galesia 1:21 - U Bulunagana U Niga

²¹ Murinen balia e la uagu tara provins i Siria na i Silisia.

Galesia 1:21 ပူးပေါင်းရင်းမြစ်များ

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 21:3

Ba lam e tarem a tolo i Saiprus me la karasa ba mena mien tara pal keruka me lam. Ba lam e la uaiem tara provins i Siria mena sung mia tara taun i Taia. A tolaala ega hakouleia a kakö tara han teka.

Aposol 21:39

Be Pol e poeiena, “Alia a toun Jiu na tara taun i Tasus, a taun te panina tara provins i Silisia. Alö go haniga ba lia te ranga gia turu katuun.”

Aposol 22:3

Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 23:34

Ba gamman e tarena u pas me rangatena e Pol, “A han tamölö i me?” Pöata te hengo naien e Pol a toun Silisia ba nonei e poeiena, “Alia e hengoe gou romana lö tara pöata te la ruma romana u katuun te kout nariou lö.” Ba nonei e ranga merena u soldia i tanen tegi pepeito kap haniga menai e Pol iahana luman gamman tere Herot.

Aposol 6:9

Ba palair u katuun e tanian raharaher e Stiven. Nori a pal katuun tara töa luman lotu turu Jiu ti ngöei a luman lotu turu Friman. Nori u katunur i Sairini na i Aleksenria na i Silisia na i Eisia.

Aposol 9:30

Na tara pöata ti hengo naia u katunun tsitsilo tere Iesu a ka teka, ba nori ena piou naria e Sol tara taun i Sisaria me hala ba naren i Tasus.