Aposol 9:40 - U Bulunagana U Niga

⁴⁰ Be Pita e halakasa hoboto ranen, ba nonei e hatukununa me singo uana tara Tsunono. Ba nonei e habirits uana tara tahol a mate me poeiena, “O Tabita, alö go takei!” Ba tahol e hakalatena a matanen. Ba pöata te tareien e Pita, ba nonei e gum seina.

Aposol 9:40 ပူးပေါင်းရင်းမြစ်များ

Matiu 6:6

Kaba pöata te singo mia lö, alö go tasuia tara rum i tamölö bate hapiliem a tamana balö te singo mia tere Tamamölö tema tareri. Be Tamamölö te tarena a mamanaka te kato hamouse mölö, bate hale noilö u hamatana.

Matiu 9:25

Kaba pöata ti halakasa merai u katuun ielesala, be Iesu e tasuna me luena a limana pien tahol, ba pien tahol e takeina be niga poutsuna.

U Bulungana u Niga tere Iesu Kristo te kolotein e Mak 9:25

Pöata te tareia e Iesu a katuun a parpara i piata gögonoma, ba nonei e hakopiseiena a liliahanei me poeiena, “Alö a liliahanei te kato habiruem na te hasiköem a pien teka, alia e ranga megou lö, koul bani balö tema antunan ka lel mia i tanen.”

U Bulungana u Niga tere Iesu Kristo te kolotein e Luk 22:41

Ba nonei e gamon laba ranen, antunaia te lapo menari a hatu, me hatukununa me singona, “O Tamar, te ngil mia lö, ba lö te hatongo kap ba namoi lia a kamits teka te katsin butuna i tar. Kaba lö goma kato uai turu ngil i tar. Alö go markato uu turu ngil i tamölö.”

U Bulungana u Niga tere Iesu Kristo te kolotein e Luk 8:54

Kaba e Iesu e lui a limana a pien me ranga hapanina me poeiena, “A tsi pien, alö go takei!”

Aposol 20:36

E Pol e hakapi u raranga i tanen ba nonei e hatukununa me singo hoboto gono mera nen tere Sunahan.

Aposol 21:5

Pöata te kapaia a man lan i tamulam tara han teka, ba lam e takeim me lam. U kristen hoboto, a man munmun tahol na galapien i taren emi hipiouia ielesala tara taun. Ba lam e hatukun mia i kotolana me singom.

Aposol 28:8

Tara pöata teka e tamana e Publius e opö mei a peisanen e lolanga mei a siki na e ka has mei u purus. Be Pol ena tare nen me singo uana tere Sunahan. Ba nonei e hatakopena a limanen i tanen me kato haniga poutse nen.

Aposol 7:60

Ba nonei e hatukununa me ku hapan koruna me poeiena, “O Tsunono, moa tu palisi a markato a omi te katoeren teka!” E Stiven e mar ranga uu teka me matena.