Aposol 5:41 - U Bulunagana U Niga

⁴¹ Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

Aposol 5:41 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

U Bulungana u Niga tere Iesu Kristo te kolotein e Jon 15:21

Kaba nori e kato sila naroua a manka teka tara solor te söate milimiou, taraha nori ema atei sileri e Sunahan te tula na moulia.

Aposol 21:13

Ba nonei e ranga palisina me poeiena, “Aha te tabe sile milimiou? Alimiou e kato hatitiama koruemiou a torir. Te ngilin kits narouen lia tara karabus, alia e tatei karabusugu, na lia e haniga hasigu tegona mate sil menai lia e Iesu i Jerusalem.”

Aposol 5:21

Pöata ti hengoeien u raranga teka, ba nori e la uaier tara Luman Lotu Pan tara bongbong koru mena hihatuts ria turu katuun. Ba tsunono pan turu pris na pal kapanira i Israel e ngö gögono merari a pal kapan hoboto turu Jiu turu hagum turu Kout Pan, ba nori e hala ner u ranga tara luman karabus tegimi piou meraien u aposol i mataren.

U pas te koloto menai e Pol turu kristenira i Rom 5:3

Na ra e tatei sasaala has mera a manka man omi te butuna i tarara. Taraha, e hatagala ranoura na e hatuts has ranei ra tegi hahaloso menaira a pöata a niga.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.

3 Jon 1:7

Nori e tataala lamer a toukui tere Sunahan, kaba nori ema ngileri tegi lu menaien ta ka turu katuun te hahamanar.