Aposol 5:40 - U Bulunagana U Niga

⁴⁰ Ba nori e ngö hatasu pouts raier u aposol me hasingata raren. Ba nori e ranga hatagala mera rien tegima kato lel menaien u ranga tara solona e Iesu, ba nori e hapurese raren.

Aposol 5:40 ပူးပေါင်းရင်းမြစ်များ

Matiu 10:17

Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.

Matiu 20:19

Ba nori te hala lel naroa lia turu katuun tema Jiu ri, ba nori tena hahakos ria i tar bate lahuse riou lia, bate nila naria lia tara kuruse. Ba turu hatopisana u lan balia te takei pouts gia romana tara tou mate.”

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

U Bulungana u Niga tere Iesu Kristo te kolotein e Mak 13:9

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

U Bulungana u Niga tere Iesu Kristo te kolotein e Luk 20:10

Ba i murinen, te tangohoia a kui, ba nonei e hala mena nei a tsonun kui i tanen tara pal tson ti kui ia tara kuin grep. Nonei e ngilin lui ta tsi pala i tanen. Kaba nori i atungeien me tsuge ren ba nonei e lala puku poutsuna.

2 Korin 11:24

U Jiu i lahuse ii lia a wip u topisa u maloto na tosie a pöata na ka teka e butu a tolima a pöata nitöa.