Aposol 5:32 - U Bulunagana U Niga

³² Alam na u Namnamei u Göagono u tarei a manka teka te kato e Sunahan me hatei namen. Be Sunahan e hala has nena u Namnamei u Göagono turu katuun te kukutier u raranga i tanen.”

Aposol 5:32 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 10:44

Pöata te ranga noahasia e Pita ba u Namnamei u Göagono tere Sunahan e koul nama memi tö na turu katuun hoboto ti hengo u ranga.

Aposol 15:28

U Namnamei u Göagono na lam u mar kits menai u raranga teka: alam ema tatei hakeiemi a markato a tiama koru i tamilimiou. A man markato lasi teka tegoma katoe milimiou: alimiou go agono naiam a manka te haats ba naria turu kesa, batema tatei nou hasemi u rahatsing na haröete te kepa hamate naria i totongolonen. Na limiou goma tatei tsikolomi. Te hatalis ba nemia limiou a man markato teka, ba limiou te ka haniga mou. Nonei talasi.” U pas e mar ranga uana teka.

Aposol 2:32

Nonei e Iesu teka e Sunahan e hatakei poutseien, na alam u tara hoboteien ba lam te habulungana namen.

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 5:29

Be Pita na u palair u aposol e ranga palisir me poeier, “Alam ema tatei kukutiemi u ranga i tamilimiou! Alam e kukute lasem u raranga tere Sunahan.

U pas te koloto menai e Pol turu kristenira i Rom 8:16

Nonei noahas u Namnamei tere Sunahan te hateiena u namnamei i tarara bara te galapien uara tere Sunahan.

2 Korin 13:1

Nonei a hatopisana pöata teka tena tara ragoua lia limiou. U Buku u Göagono e poeiena, Te hatangana hoboto ria a huol tsi a topisa a katuun ti tari te kato homi uu a taina a katuun, nonei ena hahune riou.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.