Aposol 5:17 - U Bulunagana U Niga

¹⁷ Ba tsunono pan turu pris na u katuun ti ka gono meien, a pala turu Sadiusi, e hiomi koru ria turu aposol.

Aposol 5:17 ပူးပေါင်းရင်းမြစ်များ

Matiu 27:18

Nonei e atei sil a saha ka tina hala sileien e Iesu i tanen, taraha nori i hiomi.

Matiu 3:7

Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

U Bulungana u Niga tere Iesu Kristo te kolotein e Jon 12:10

Ba u Pris pan e koru pakö has ner tegi atung hamate menaien e Lasarus, taraha, tara nitöatöa i tanen ba para koru turu Jiu te la halhal ba raren bate hamana uar tere Iesu.

U Bulungana u Niga tere Iesu Kristo te kolotein e Jon 12:19

Ba u Parasi e hiararangar me poeier, “Ara ema antunan kato nari taka. Taraiam, u katuun hoboto e kukutie ren!”

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Aposol 17:5

Kaba u Jiu i hiomi ba nori e gono hoboto rarima u katuun u karous u omi ti roron ka pinopino laia tara töana memi gono hobotor me katoeier a töa hun katuun, ba nori e getar me hasingoto rer u katuun hoboto tara taun. Ba nori emi heleier a luma tere Jeson ti sake meraien ere Pol mere Sailas bate la meraren turu katuun ti gono.

Aposol 4:26

U tsunono pan turu han i puta i tuol me hanei siler a hiatatung. Aa, u katuun u kapan i gono hoboto sil tegi hiatatung gono menaien a Tsunono e Mesaia.’ “U Namnamei u Göagono temar ranga uu teka.

Aposol 4:6

Nori i gono hoboto mei e Anas a tsunono pan turu pris, na e Kaiapas ne Jon ne Aleksenda, na palai has ti pala uu tara tsunono pan turu pris.

Aposol 5:16

U katuun u parpara ti lama turu han ti ka hahis a taun i Jerusalem emi piou hasir u katuun ti ka mei a siki na u katuun has ti ka mei a liliahanei, nori i kato haniga hoboto poutsir.

Aposol 7:9

“A man munmun toulana teka i hiomia tere Josep me hahol naren, ba nonei ena kukui pukuna i Itsip. Kaba e Sunahan e ka gono meien, me luba naneien a mamana nomi hoboto te butuia i tanen. Ba pöata te butuia e Josep i matana e Pero a Kingina i Itsip, be Sunahan e haniga korue nen me hale neien a niatei a niga. Ba e Pero e hopö kap sile nei e Josep tega pepeito kap menaien a mamanaka tere Pero na u katuun i tanen na han hoboto has i Itsip.

Galesia 5:21

Nori e hakats homi rer a palaier u katuun na nori e spakir bate hirata homir, bate katoeier a mamana markato a omi te markato uana teka. A man markato teka nonei a man markato turu ngilngilina i puta. Alia u hatei mam raiou limiou i manasa na lia e hatei lel pon ragou limiou i romana: u katuun te markato uaier teka ema antunan tasu roi tara Nipepeito tere Sunahan.

Jemis 4:5

U raranga tere Sunahan ema ranga papala nei te pei mena neien, “U namnamei te hakeia e Sunahan iaharara e ka mena u ngil u tagala, u ngil te kamena a hiomi pan koru.”

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.