Aposol 28:15 - U Bulunagana U Niga

¹⁵ U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.

Aposol 28:15 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 12:13

Ba nori e luer a man kalan kikia me lar tegina tupala menaien e Iesu me ku hapan lala lila me poeier, “Hosana! (Soloseiam a Tsunono) E Sunahan e kalalena a katuun te la menama a nitsunono i tanen! Soloseiam a Kingina i Israel!”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 10:23

Be Pita e ngö rena u katuun me hasoho ranen tara luma tere Saimon. Turu tana u lan be Pita e la gono mera nen. A palair u katunura i Jopa ti hamanaia tere Iesu i la gono has meraien.

Aposol 10:25

Tara pöata te tukuia e Pita, be Konilius e tupale nen me hatukunna i matanen me turu putana.

Aposol 11:1

Tara pöata teka u aposol na u kristen ti kaia i Judia i hengoen u raranga te pei u katuun tema Jiu ri i lu hakapi u raranga tere Sunahan me hanige ren.

Aposol 11:12

U Namnamei tere Sunahan e ranga meioulia, ‘Alö go la gono meraien, ma hakats hapara ii.’ Na tönomo a kristen i la gono has meiou lia. Ba lam ena tasu mia tara luma tere Konilius.

Aposol 12:17

Be Pita e hasoa sei nena a limanen tegi kakamoto uaien. Ba nonei e hatei raneien ime temar halakasa mena meien a Tsunono tara luman karabus. Ba nonei e poeiena, “Alimiou ena hateie mou e Jemis na palair u kristen te butu ualala a ka teka.” Be Pita e laba ranen me la uana tara tana makum.

Aposol 21:5

Pöata te kapaia a man lan i tamulam tara han teka, ba lam e takeim me lam. U kristen hoboto, a man munmun tahol na galapien i taren emi hipiouia ielesala tara taun. Ba lam e hatukun mia i kotolana me singom.

Aposol 28:14

Ba tara taun teka ba lam e saberaiam u katuun ti hamanaia tere Iesu. Ba nori e ngö rariou lam ba lam ena ka gono meramen u tohit u lan. Ba lam e töan la uaiem i Rom.

U pas te koloto menai e Pol turu kristenira i Rom 15:24

Na lia e ngilin tara ragou limiou bate töan la sokö uagu i Spein. Na te kapa talana u ngil tego ka hoboto gono merai lia limiou, ba limiou te taguhe moulia te la uagu lia i Spein.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

Galesia 4:14

Na siki i tar e habutu hasi a nitiama i tamilimiou, kaba limiou ima taratara pukue milia. Alimiou u mar tarakap mena milia tego mar tarakap mena milimiou a angelo tere Sunahan, na e Iesu Kristo has.

1 Tesalonaika 3:7

Pöata tu hengo nai lam u ranga teka, ba torimulam e nigana me sasaala poutsuna. Alam u tori tiama koru mei a kamits te lue mulam turu katuun te hahamanar, kaba lam e sasaala pouts talam te hengo mena milam te hamana noa uami limiou tara Tsunono.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.