Aposol 25:11 - U Bulunagana U Niga

¹¹ Te ka megia lia ta ka ta omi, tsi tu katoeia lia ta töa ta ka te antunana tego mate mei lia, alia ema tatei bus ba nagi a nihahuna teka. Kaba e möa tega mana uu a man ranga te kout merien lia, na e möa has ta töa ta katuun tega hala menai lia i taren. Alia e hasoso silegu u kout pan tere Sisa!”

Aposol 25:11 ပူးပေါင်းရင်းမြစ်များ

Aposol 16:37

Be Pol e poeiena turu polis, “Nori i ma kout hamatskö merai lam na nori i singata railam a pata i matar u katuun. Alam has u katunura i Rom, kaba nori i haka has raia lam tara karabus. Nori e katsin halakasa hamous rariou lam. E möa koru! Nori peisa egi lama batemi halakasa rariou lam!”

Aposol 18:14

Pöata te katsin ranga palis ia e Pol be Galio e poeiena turu Jiu, “Alimiou u Jiu, sanena tega pekoia a katuun teka a lo, tsi tega katoeien ta markato ta omi, alia e antunan hengo ragou limiou.

Aposol 22:25

Kaba tara pöata ti kitseien a lete, be Pol e ranga mena a töa kapten te tuol ia i rehinen me poeiena, “A lo ema haniga nanei tego lahus menai lö a toun Rom tema la noa uaneien turu kout.”

Aposol 25:10

Kaba e Pol e pei, “A luma teka te tuol gia lia i romana nonei a luman kout tara gamman pan e Sisa. A luma lasi teka nonei a makum te tatei hengoe ria u kout i tar. Alö u atei hakapa, alia uma katoe ii ta töa ta ka ta omi turu Jiu.

Aposol 25:12

Ba i murina te hiararanga gono mam meia e Pestus u tsonun pepeito i tanen me töan poeiena tere Pol, “Alö e kato silem tego la uu lö tere Sisa, bara nigana, alö e la uamou tere Sisa.”

Aposol 25:21

Kaba e Pol e ranga hatagala sil tega ka noa uaien tara karabus antunana tara pöata te la nen romana turu kout peisa tara gamman pan e Sisa. Balia e poeiegu egi tara kap noani e antunana tara pöata te hala nagien romana lia tere Sisa.” E Pestus te mar ranga uu teka.

Aposol 25:25

Kaba alia uma sabei ta töa ta ka te tegi atung hamate meien. Na nonei peisa e kato silena tega lauaien turu kout tere Sisa, balia e hanigagu tegi hala menaien.

Aposol 26:32

Be Agripa e poeiena tere Pestus, “Sanena a katuun teka tema kato peisa sile ii tega la uaien romana turu kout tere Sisa, nonei sanena e hapureseier.”

Aposol 28:19

Kaba pöata tima haniga ia u Jiu, alia u möa lel ta maroro ba lia e töa kato silegu tego la peisa uu lia turu kout tere Sisa. Kaba alia ima ka mei ta ka tego kout gono sil merai lia a hun katuun i tar.

1 Tesalonaika 2:15

U Jiu i atung hamatir u propet tere Sunahan i manasa, na nori i atung hamate hasi e Iesu a Tsunono. Na nori i kato homi has raioulam bate tsuga rariou lam. Nori e kato haraharaha koruer e Sunahan na nori e omi rer u katuun hoboto.