Aposol 20:35 - U Bulunagana U Niga

³⁵ Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

Aposol 20:35 ပူးပေါင်းရင်းမြစ်များ

Matiu 10:8

Alimiou go kato haniga pouts raiam u katuun te ka mer a siki na ego hatakei pouts has raiam u katuun ti mate. Ba limiou te kato haniga pouts ramiou u katuun u toba bate tsuga ba has ramiou u liliahanei u omi. Alimiou uma hole mi a nihitaguhu alimiou u lu pukpukuemen, na taguhu tala raiam u katuun bate ma luemi ta hihol.

Aposol 20:20

Na lia uma matout mei tu habulungana menai u raranga te tatei taguhu ranou limiou. Na turu hagum na tara man luma has i tamilimiou, alia u hatuts raiou limiou. Alimiou e atei sile men.

Aposol 20:27

Alia uma peits ba railimiou tu ranga. E möa. Alia u hatei railimiou a man hakats hoboto tere Sunahan.

Aposol 20:34

Alimiou te atei silemiou u huol u ualima i tar te pilein a toukui na te taguheiou lia tara manka te makmakum, bate taguhu has rena u katuun ti ka gono meiou lia.

Aposol 20:36

E Pol e hakapi u raranga i tanen ba nonei e hatukununa me singo hoboto gono mera nen tere Sunahan.

U pas te koloto menai e Pol turu kristenira i Rom 15:1

Ara te atei haniga silera u hihatuts tere Sunahan ega taguhir a pala tema atei hanigari. Ara gima hakats sile ii tegi sasaala peisa uu ra. E möa.

1 Korin 9:12

E nigana te mar kato uaier a palair u katuun teka i tamilimiou, kaba e niga balana tego ranga sil mei lam a manka teka i tamilimiou. Kaba alam ema tagala silemi a manka teka. Alam e kui peise mi a limamulam a tsi monin kannou i tamulam, taraha u katuun e namots poeier alam e habulungana silemi u raranga tere Kristo tego lu menai lam ta moni.

2 Korin 11:12

A ka te katoe gulia, alia e kato noahase gouen. Bu katuun te ngiler egi soloseri, na egi tara mareieri tema tatei peiroi, nori e mar kui has uaier temar kui uamu lam.

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 12:13

Alia u markato has uu i tamilimiou tu roron markato has uamalia tara palair u hun katuun tere Kristo. Alimiou e hakats silemiou tuma singo menai lia ta monin hitaguhu? Haromana koru, taatagi namoulia tara markato teka.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Tesalonaika 4:11

Alam u hatei mam raiou limiou na lam e hatei lel has ramou limiou, alimiou go hiakaka haniga hobotoiam ba limiou a man tötöa tema herokemi a toukui tara tana katuun. Na limiou go kato haniga noa laseiam a man toukui i tamilimiou, möa tu hanoeiam.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

3 Jon 1:7

Nori e tataala lamer a toukui tere Sunahan, kaba nori ema ngileri tegi lu menaien ta ka turu katuun te hahamanar.