Aposol 20:24 - U Bulunagana U Niga

²⁴ Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 20:24 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 15:27

Na limiou has te hatei namou lia, taraha alimiou tu ka gono memou lia tu tanian kui mam ma lia te antunana i romana.”

U Bulungana u Niga tere Iesu Kristo te kolotein e Jon 17:4

Alia u söata seia lö i puta, taraha alia u kato a mamanaka hoboto tu hatei lö alia.

Aposol 1:17

E Judas a töa has i tarara, nonei e ka has ia tara toukui ti kaia ra.”

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 13:25

Na pöata te katsin hakapeia e Jon a toukui i tanen, ba nonei e poeiena, ‘Alimiou e pei miou alia esi? E Kristo? E möa. Kaba a katuun te murimuri nama romana, nonei a Tsunono pan, alia a katuun papala koru. Alia ema antunan purese hasegi a kikits turu sendol i mounen,’ E Jon temar ranga uu teka.”

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 20:23

A ka lasi teka te atei sile gulia: tara mamana taun u Namnamei u Göagono e roron hatei halesaleiou lia bate poeiena, ‘Alö ena sabie mou a kamits ba nori tena haka hase roua lö tara karabus.’

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

Aposol 21:13

Ba nonei e ranga palisina me poeiena, “Aha te tabe sile milimiou? Alimiou e kato hatitiama koruemiou a torir. Te ngilin kits narouen lia tara karabus, alia e tatei karabusugu, na lia e haniga hasigu tegona mate sil menai lia e Iesu i Jerusalem.”

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

U pas te koloto menai e Pol turu kristenira i Rom 11:6

Nonei ema hopö kap meraien ti kato haniga uaien. E möa. Nonei e hopö kap raien, taraha nonei e roron taatagi rena u katuun. Te kui beria u katuun e Sunahan be Sunahan te taatagi ranen, a ka teka ema ngöeri a nitaatagi. E möa.

U pas te koloto menai e Pol turu kristenira i Rom 4:4

Hena, a katuun te kuina e holeri a moni. Na hihol i tanen ema here nei a kaan halhala puku. E möa. Nonei e kui sileien.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

2 Korin 4:12

Tara markato teka ba lam te söatem a nimate ba limiou te hala rari a nitöatöa.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

2 Korin 7:4

Alia e saala koru ragou limiou bate sasaala has meragou limiou. A mamana nomi e butuna i tamulam, kaba lia e ongolo koru noa hasigu. A nisasaala i tar e möa ta nönöa nen.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Epesis 1:6

Na ragi solosei e Sunahan te taatagi meraien ra te pala uarara tara Pien Tson i tanen e Iesu Kristo.

Epesis 3:13

Na lia e hatei ragou limiou, alimiou goma tori tiama silemi te sagoho kamits sil mera gilia limiou. Taraha, a ka teka e haröto nena alimiou ema katuun papala mi i matana e Sunahan.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

1 Tesalonaika 3:3

Ba u katuun te omi ra riou limiou tema tatei hamatout rari limiou. Alimiou e atei silemiou a ka a omi teka e tatei butuna i tarara, u katuun te hamana ria tere Kristo.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

Taitus 1:3

Na tara pöata te hopö kap noahas naien, nonei e haröto halesalein u raranga i tanen tego habulungana menaien lia. E Sunahan te lu pouts raioura, nonei noahas te hale meilia a toukui teka.

Taitus 2:11

A niniganiga tere Sunahan e butu hakapa me hala ranei u katuun a maroro tegi taguhu meraien u katuun hoboto,

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

1 Jon 3:16

Ara e mar atei sil mena rei u ngilngil hamana teka: e Kristo ema peitsnai a nitöatöa i tanen, ba nonei e mate sil ranoura. Na ara gima peits has nai a nitöatöa i tarara, kaba aragi markato has uu iesana bara te mate sil hasera a man hahatoulana i tarara, a pala te hamana ria tere Iesu.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 6:11

Ba nori hoboto e hala rari u hasobö u hiaka, ba nori e hatei rari tegi gamon hahaloso uaien, e antunana tega onotoia a man hahatoulana i taren na u katunun kui tere Iesu. Taraha, nori egi atung hamate hasir, ti kato has uu katuun teka ti mate mam.