Aposol 19:34 - U Bulunagana U Niga

³⁴ Kaba ti tara mareien nonei a Jiu, ba nori e totou ku hobotor me poeier, “E Atemis a tetahol i tarara u katunura i Epesis te pan koruna!” Nori i mar ku las uu teka e antunaia tara huol a aua.

Aposol 19:34 ပူးပေါင်းရင်းမြစ်များ

Matiu 6:7

“Na pöata te singo mia lö, alö goma hula hakopis nai u ranga te kato uar u tematan. Nori e pei laser egi hengo merai te kato menarien u raranga u parpara.

Aposol 16:20

Ba nori ena piou rarien turu katuun tara gamman me poeier, “A pal tson teka u Jiu, nori emi kato homier a taun i tarara.

Aposol 19:24

E Demitrias e kukuiei a manka a silva. Nonei e roron kui tatateie a matsi makumun silva a mankan lotu ti hakeia tara luman lotu pan tere Atemis, a got gamogamo a tetahol ti roron hatsunono uu katunura i Epesis. E Demitrias e roron habuti a toukuin hahol a para turu katunun kui i tanen.

Aposol 19:26

Na katuun teka e Pol e habirits hakapi u hakats tara katuun a parpara be poeiena, ‘U kesa te kuieri ualima ema got hamanari.’ Alimiou u tare men na limiou u hengo hakapa hase men. Nonei ema markato peisa uai teka i Epesis. E möa. Nonei e kato hasema a man ranga teka tara han a parpara koru iahana provins teka i Eisia.

Aposol 19:28

Pöata ti hengoeien u raranga teka ba nori e raharaha korur. Ba nori e kur me poeier, “E Atemis a tetahol i tarara u katunura i Epesis te pan koruna!”

Aposol 19:33

Ba u Jiu e tula menari e Aleksenda i hagus, ba palair u katuun e ku siler tego kato menien u ranga. Be Aleksenda e hasoasei nena a limanen tegi kakamoto uaien ba nonei te ranga palisena u ranga i taren.

Aposol 19:35

Ba töa katuun pan ni Epesis e kato hakakamoto rena u katuun me poeiena, “Ara u katunura i Epesis, u katuun hoboto e atei siler i Epesis nonei a taun te tara kap nena a luman lotu tara tetahol pan e Atemis, na taun has tara hatu a göagono te rusma i Kolö.

U pas te koloto menai e Pol turu kristenira i Rom 2:22

Alimiou e poeiemiou a katuun egoma tsikolo ii. Ga limiou e tsikolo hasmiou? Alimiou ema hanige mi u kesa, ga limiou e kop has mia tara man luman lotu i taren?

Revelesin 13:4

Bu katuun e hatsunoner a kökötsi, te hala menaien a nitagala tara ka a töatöa teka. Ba nori e hatsunono haseier a ka a töatöa me poeier, “Esi te antunana tara ka a töatöa? E möa tala. E möa ta katuun tega antunan hiatatung gono meien!”