Aposol 19:28 - U Bulunagana U Niga

²⁸ Pöata ti hengoeien u raranga teka ba nori e raharaha korur. Ba nori e kur me poeier, “E Atemis a tetahol i tarara u katunura i Epesis te pan koruna!”

Aposol 19:28 ပူးပေါင်းရင်းမြစ်များ

Matiu 2:16

Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 19:24

E Demitrias e kukuiei a manka a silva. Nonei e roron kui tatateie a matsi makumun silva a mankan lotu ti hakeia tara luman lotu pan tere Atemis, a got gamogamo a tetahol ti roron hatsunono uu katunura i Epesis. E Demitrias e roron habuti a toukuin hahol a para turu katunun kui i tanen.

Aposol 7:54

Pöata ti hengoeia a pal kapan u ranga tere Stiven, ba nori e raharaha korue ren me kutu ha karkarangaker a liho ren.

Revelesin 12:12

Alimiou hoboto te ka mia i Kolö go sasaala iam! Kaba a niomi pan e butu noa i tamilimiou u katuun te ka mia turu tsiktsiki na i tasi. Taraha? E Satan e koul hakapa uu i tamilimiou na nonei e raharaha koruna. Nonei e atei silena a pöata i tanen e sukusukun kapana.”

Revelesin 13:4

Bu katuun e hatsunoner a kökötsi, te hala menaien a nitagala tara ka a töatöa teka. Ba nori e hatsunono haseier a ka a töatöa me poeier, “Esi te antunana tara ka a töatöa? E möa tala. E möa ta katuun tega antunan hiatatung gono meien!”

Revelesin 17:13

Nori a maloto a tsunono teka e gono hoboto siler tegi hala menaien a nitsunono i taren tara ka a töatöa.