Aposol 19:26 - U Bulunagana U Niga

²⁶ Na katuun teka e Pol e habirits hakapi u hakats tara katuun a parpara be poeiena, ‘U kesa te kuieri ualima ema got hamanari.’ Alimiou u tare men na limiou u hengo hakapa hase men. Nonei ema markato peisa uai teka i Epesis. E möa. Nonei e kato hasema a man ranga teka tara han a parpara koru iahana provins teka i Eisia.

Aposol 19:26 ပူးပေါင်းရင်းမြစ်များ

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 17:29

“Ti tuhanaia ra tere Sunahan, bara tema tatei pei rei nonei e here nei a goul tsi a silva na a hatu na a ka te hakats mam nena a katuun bate toke nen. E möa.

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:10

U raranga teka e la me antunena u huol u hiningal. U katuun hoboto u Jiu na u katunura i Grik ti kaia tara provins i Eisia i hengo hoboti u raranga tara Tsunono.

Aposol 19:25

Nonei e goner u katuun teka ti kamei a töa mar toukui me poeiena, “A pal tson, alimiou e atei sil hasemiou a toukuin hahol teka e roron habutena a moni i tarara.

1 Korin 12:2

Alimiou e atei silemiou a pöata tu tematan noa mia limiou, alimiou u kukuteiam a markato ti hatsunono menai u kesa tema töatöa nei.

1 Korin 8:4

Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa.

Galesia 4:8

I manasa alimiou ima atei silemi e Sunahan bate hererami u katunun kui tara man got gamogamo.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

Revelesin 9:20

Na palair u katuun hobotora i puta tima atung hamate rai a manka a man omi teka, nori ima tori tsuga ba noa has nai a man markato a man omi i taren bate hatsunoner e Sunahan. Nori i hatsunono noa hasir u liliahanei u omi na manka ti kato peiseien u kesa ti kuieien a goul na u silva na u bras na a hatu na u ruei, a manka teka tema antunan tara nei na tema hengo nei na tema la nei.